विजेचा धक्का लागून इसम ठार

विजेचा धक्का लागून इसम ठार

 घोटी : इगतपुरी तालुक्यातील खैरगाव येथील इसमाचा रस्त्यावर पडलेल्या वीजवाहिनीचा धक्का लागून मृत्यू झाल्याची घटना गुरु वारी घडली. घोटी पोलीस ठाण्यात अकस्मात मृत्यूची नोंद करण्यात आली आहे.खैरगाव येथील बुधा गंगाराम आघान (४२) हे गुरु वारी दुपारी बाजार आटोपून पायी जात असताना देवळे गावाजवळ रस्त्यावर पडलेल्या वीजवाहिकेचा अंदाज न आल्याने तिला स्पर्श होताच शॉक लागून त्यांचा जागीच मृत्यू झाला. दरम्यान, या घटनेची माहिती घोटी पोलिसांना देण्यात आली. सदर इसमाचा मृतदेह घोटीच्या रु ग्णालयात आणल्यानंतर नातलगांनी वीज वितरण कंपनीच्या दुर्लक्षामुळे मृत्यू झाल्याचा आरोप करीत मृतदेह ताब्यात घेण्यास नकार दिला. अखेर वीज वितरण कंपनीच्या अधिकाऱ्यांनी मृताच्या वारसांना मदत दिल्यानंतर मृतदेह ताब्यात घेतला.वाहनाच्या धडक ; दुचाकीस्वार ठारमुंढेगावजवळील जिंदाल कंपनीसमोर गुरु वारी एका दुचाकीला भरधाव वेगाने जाणाऱ्या वाहनाने धडक दिल्याने झालेल्या अपघातात अज्ञात दुचाकीस्वाराचा जागीच मृत्यू झाला. जिंदाल कारखान्यातून बाहेर महामार्गावर पडणाऱ्या एमएच ०५ एसी २२९९ या दुचाकीस नाशिककडून मुंबईच्या दिशेने भरधाव वेगाने जाणाऱ्या एमएच १५ ईए ७३१ या वाहनाने धडक दिली. या अपघातात दुचाकीस्वार जागीच ठार झाला. (वार्ताहर)