-------------------
शिवरायांचा इतिहास चित्रांचे प्रदर्शन
सिन्नर : तालुक्यातील धनगरवाडी येथील जिल्हा परिषद प्राथमिक शाळेत भिंतीवर शिवरायांचा इतिहास दर्शविणाऱ्या चित्रांचे लोकार्पण करण्यात आले. शालेय व्यवस्थापन समितीचे अध्यक्ष किरण शिंदे यांच्या वैयक्तिक निधीतून इमारतीच्या भिंतीवर छत्रपती शिवाजी महाराजांचा इतिहास जागविणारे चित्र रेखाटण्यात आले आहे.
--------------
वावी-घोटेवाडी रस्त्याची दुरवस्था
सिन्नर : तालुक्याच्या पूर्व भागातील वावी ते घोटेवाडी या रस्त्याची समृद्धी महामार्गाच्या कामावर ये-जा करणाऱ्या वाहनांमुळे दुरवस्था झाली आहे. त्यामुळे परिसरातील वाहनधारकांसह प्राथमिक आरोग्य केंद्रात उपचारासाठी जाणाऱ्या रुग्णांची मोठ्या प्रमाणात गैरसोय झाली आहे.
--------------------
आतड्याची शस्त्रक्रिया करत बालकाचे प्राण वाचविले
सिन्नर : शहरातील डॉ. अंजली विष्णू हॉस्पिटलमध्ये ६ दिवसाच्या बाळावर आतड्याची अतिशय गुंतागुंतीची शस्त्रक्रिया यशस्वी करत डॉक्टरांनी त्यास जीवदान दिले. सिन्नरमध्ये प्रथमच महात्मा फुले जनआरोग्य योजनेतून एवढ्या छोट्या वयाच्या बालकावर उपचार करण्यात आले आहे. बाळाच्या कुटुंबीयांनी समाधान व्यक्त केले आहे.
-------------
विनामास्क फिरताना आढळल्यास कारवाई
सिन्नर : शहर व परिसरात कोरोनाचा वाढता प्रादुर्भाव लक्षात घेता प्रशासनाने विनामास्क फिरताना आढळून आल्यास आशा नागरिकांवर दंडात्मक कारवाई करण्यात येत आहे. कोरोना विषाणूने पुन्हा डोके वर काढले आहे. त्यामुळे संसर्ग वाढू नये यासाठी शासनाने कडक निर्बंध जाहीर केले आहे.
-------------
भोजापूर धरणातून आवर्तन सुरू
नांदूरशिंगोटे : सिन्नर तालुक्यातील भोजापूर धरणातून गेल्या १५ दिवसांपासून रब्बी हंगामाकरिता आर्वतन सुरू आहे. यावर्षी पाऊस चांगल्या प्रमाणात झाल्याने सर्वत्र पाणी उपलब्ध होते. त्यामुळे शेतकऱ्यांनी उशिरा पाण्याची मागणी केली होती.