पाइपलाइन फोडल्याप्रकरणी गुन्हा दाखल

पाइपलाइन फोडल्याप्रकरणी गुन्हा दाखल

न्यायडोंगरी : येथे पिकांना पाणी-पुरवठा करणारी पाइपलाइन फोडल्या प्रकरणी नांदगाव न्यायालयाच्या आदेशावरून येथील तीन जणांविरुद्ध नांदगाव पोलिसांत गुन्हा दाखल झाला आहे.न्यायडोंगरी येथील शेतकरी गोरख नरहरी बारी यांनी, शेतात हातगाव धरण क्रमांक २ येथून पाइपलाइनद्वारे पाणीपुरवठा केलेला होता. परंतु न्यायडोंगरी येथील निंबा भीमलाल शेलार, सतीश गंगाधर अहेर, अनिल गंगाधर अहेर यांनी सदरची पाइपलाइन फोडल्याने गोरख बारी यांनी पोलिसाकडे धाव घेतली. पोलिसांनी त्याची दखल न घेतल्याने बारी यांनी न्यायालयात दाद मागितली असता न्यायालयाने नांदगाव पोलिसांना फिर्याद दाखल करून घेण्याचे आदेश दिले आहेत. पोलीसात ४२६, ४२७, ४३०, १०९ व ३४ या प्रमाणे गुन्हा दाखल करण्यात आला असून तपास पोलीस निरीक्षक एस.आर. ढोंबे हवालदार कडभाने करीत आहे.