ऑनलाइन लोकमत
हैदराबाद, दि. 16 - शिर्डीहून हैदराबादकडे निघालेल्या बसला लागलेल्या भीषण आगीत एका बाळाचा होरपळून मृत्यू झाला आहे. पहाटे बस हैदराबादच्या दिशेने जात असतानाच ही आग लागली. आगीत सहा जण जखमी झाले असून यामध्ये तीन चिमुकल्यांचा समावेश आहे. महाराष्ट्र-कर्नाटक सीमेवरील हुमणाबादजवळ ही धक्कादायक घटना घडली.
बसमध्ये एकूण 44 प्रवासी होते. सर्व प्रवासी हैदराबादचे होते अशी माहिती मिळाली आहे. शिर्डाला साईबाबांचे दर्शन घेऊन सर्वजण आपल्या घरी हैदराबादला परतत होते. मात्र रस्त्यातच बसला भीषण आग लागली. आग इतकी भयानक होती की बस पुर्णपणे जळून खाक झाली आहे.