दाभाडी येथे घरफोडी

दाभाडी येथे घरफोडी

दाभाडी : परिसरात एकाच रात्री दोन दुकाने फोडण्यात आली असून, ग्रामस्थांत घबराट पसरली आहे. छावणी पोलिसात घरफोडीचा गुन्हा दाखल करण्यात आला. पहाटे २ वाजेच्या सुमारास अज्ञात चोरट्यांनी रस्त्यालगतच्या क्रांती फोटो स्टुडिओतून कॅमेरे, पेनड्राईव्हसह सुमारे सव्वा लाखाचा ऐवज चोरून नेला. भावसार किराणा दुकानातून नऊ हजार ८०० रुपयांची रोकड व भुसार माल चोरून नेला.मेनरोडवरील राजस मेडिकलचे शटर चोरट्यांनी उघडले मात्र त्यांच्या हाती काहीच लागले नाही. भरवस्तीत झालेल्या चोऱ्यांमुळे ग्रामस्थात घबराट पसरली आहे. छावणीच्या पोलिसांनी घटनास्थळी भेट घेऊन पाहणी केली. (वार्ताहर)