----
विवाहितेचा छळ; पतीसह चौघांविरूद्ध गुन्हा
मालेगाव : विहीर खोदण्यासाठी माहेरून ५० हजार रुपये आणावेत म्हणून विवाहितेचा शारीरिक व मानसिक छळ करणाऱ्या पतीसह चौघांविरूद्ध तालुका पोलीस ठाण्यात गुन्हा दाखल करण्यात आला आहे. याप्रकरणी कविता राजेंद्र कुंवर (रा. आघार खुर्द) या विवाहितेने फिर्याद दिली आहे. पती राजेंद्र शामराव कुवर, सासरे शामराव गोमा कुवर, सासू विमलबाई शामराव कुवर, दीर शिवा शामराव कुवर, सारिका शिवा कुवर (सर्व रा. विटाई, ता. साक्री) यांनी शारीरिक व मानसिक छळ केल्याचे फिर्यादीत म्हटले आहे. पुढील तपास हवालदार तिडके करीत आहेत.
----
मुलीच्या कानातील सोने काढून घेणाऱ्या महिलेविरुद्ध गुन्हा
मालेगाव : शहरातील तंजीलनगर भागात गल्लीत खेळणाऱ्या ६ वर्षाच्या मुलीचे अपहरण करुन तिच्या कानातील पाच हजार रुपये किमतीचे सोने काढून घेऊन मुलीला गिरणा नदीपात्राजवळ सोडून देणाऱ्या सना शेख आमीक (रा. हाजी अहमदपुरा) या महिलेविरुद्ध रमजानपुरा पोलीस ठाण्यात गुन्हा दाखल करण्यात आला. याप्रकरणी फिरोजखान अय्युबखान पठाण यांनी फिर्याद दिली आहे. पुढील तपास सहाय्यक पोलीस निरीक्षक रोही हे करीत आहेत.
----
मागील भांडणाची कुरापत काढून तरूणाला मारहाण
मालेगाव : येथील मोतीबाग नाका परिसरात मागील भांडणाची कुरापत काढून चौघा जणांना रवींद्र दगडू निकम यांना चाकूने गंभीर मारहाण करून जीवे ठार मारण्याचा प्रयत्न केल्याप्रकरणी गणेश (पूर्ण नाव माहीत नाही) व इतर तीन जणांविरुद्ध छावणी पोलीस ठाण्यात गुन्हा दाखल करण्यात आला. याप्रकरणी जखमी रवींद्र यांचा भाऊ योगेश दगडू निकम यांनी फिर्याद दिली आहे. पुढील तपास पोलीस उपनिरीक्षक आखाडे हे करीत आहेत.