नारायण सुर्वे पुरस्कारासाठी आवाहन

नाशिक : येथील कविवर्य नारायण सुर्वे सार्वजनिक वाचनालयाच्या वतीने मराठी कथासंग्रह, कवितासंग्रह आणि कादंबरी यासाठी नारायण सुर्वे साहित्य पुरस्कार प्रदान केले जातात. त्यासाठी वाचनालयाकडून १ एप्रिल २०१३ ते ३१ मार्च २०१४ या काळात प्रकाशित झालेले साहित्य मागविण्यात आले आहे. कथासंग्रहासाठी सुभाष चौधरी यांच्या स्मरणार्थ ५ हजार रुपये रोख, सन्मानचिन्ह; कवितासंग्रह व कादंबरीसाठी घरकामगार मोलकरीण संघटनेच्या वतीने ५ हजार रुपये, सन्मानचिन्ह असे पुरस्काराचे स्वरूप आहे. तरी प्रकाशित साहित्याच्या दोन प्रती सचिव, कविवर्य नारायण सुर्वे सार्वजनिक वाचनालय, सिंहस्थनगर, सिडको- ०९ या पत्त्यावर येत्या ३१ जुलैपर्यंत स्वत:चा परिचय व छायाचित्रासह पाठविण्याचे आवाहन करण्यात आले आहे.