टेम्पोत भरलेले टोमॅटो रस्त्यावर पसरल्याने व्यापाराचे मोठे नुकसान झाले.
राष्ट्रीय महामार्गावर विसरवाडीनजीक रात्री टेम्पो व गॅस टँकरची समोरासमोर धडक झाल्याने अपघात झाला. दोन्ही वाहनांचे नुकसान झाले असून, टेम्पोचालकाचा पाय अडकल्याने बाहेर काढणे मोठे जिकिरीचे जात होते. स्थानिकांनी गॅस कटरच्या साहाय्याने चालकाला बाहेर काढत उपचारासाठी विसरवाडी ग्रामीण रुग्णालयात दाखल केले. गॅस टँकर सुरतहून धुळ्याकडे जात असताना समोरून येणाऱ्या आयशर टेम्पोला जोरदार धडक दिली. गॅस टँकर भरलेला होता. सुदैवाने कुठलीही दुर्घटना झाली नाही. समोर महामार्गाच्या दोन्ही बाजूला पेट्रोल पंप आहेत. घटनास्थळी विसरवाडी पोलिसांनी पंचनामा करून, अपघातग्रस्तांना विसरवाडी ग्रामीण रुग्णालयात दाखल केले.
दुसऱ्या घटनेत नंदुरबार तालुक्यातील बलसाने येथून नवापूर येथे विक्रीसाठी टोमॅटो भरून घेऊन जाणारा टेम्पो (एमएच ०४ जी.आर. १३१८) भरधाव येत असताना चालकाचा ताबा सुटल्याने मोठे कडवान गावाजवळ उलटला. त्यात वाहनाने व टोमॅटो यांचे मोठे नुकसान झाले.