ठाणेपाडा येथे रस्ता सुरक्षा अभियानांतर्गत जनजागृती

आष्टे : नंदुरबार तालुक्यातील ठाणेपाडा येथील के. डी. गावित प्राथमिक, माध्यमिक व उच्च माध्यमिक विद्यालयात रस्ता सुरक्षा अभियानांतर्गत जनजागृती करण्यात आली. अध्यक्षस्थानी नंदुरबार शहर पोलीस ठाण्याचे सहायक पोलीस निरीक्षक डिगंबर शिंपी होते. यावेळी पाेलीस हवालदार भानुदास वसावे, शहर वाहतूक शाखेचे कमलसिंग पवार, पोलीस शिपाई प्रवीण पवार, पो. काॅ. कन्हैया परदेशी, प्राचार्य कपूरचंद मराठे आदी उपस्थित होते. प्रारंभी मान्यवरांच्या हस्ते सरस्वती पूजन करण्यात आले. यानंतर पोलीस निरीक्षक शिंपी यांनी महामार्ग वाहतूकसंबंधी पाळावयाचे व समजून घेण्याचे नियम, अपघाताचे प्रकार का व कशामुळे घडतात, वाढते अपघात, रस्त्यावरील फलक व त्यावरील सूचना आदी विषयांवर माहिती दिली. कार्यक्रमासाठी जी. के. पवार, मीनाक्षी पाटील, पंकज पाटील, पी. डी. चौधरी, एस. सी. वळवी, बी. वाय. पाटील, के. डी. पाटील, व्ही.यू. घुगे, प्राथमिकचे मुख्याध्यापक सय्यद जुबेर, राजू प्रधान, बी. सी. साबळे, अनिल पाटील, विद्यार्थी-विद्यार्थिनी उपस्थित होत्या. सूत्रसंचालन गुलाब पवार, तर आभार के. डी. पाटील यांनी मानले.