वाहनातून पडल्याने एकाचा मृत्यू

लोकमत न्यूज नेटवर्कनंदुरबार : अक्कलकुवा तालुक्यातील आमलीबारी घाटातून जाणा:या प्रवासी वाहनातून बाहेर फेकला गेल्याने एकजण गंभीर जखमी झाला होता़ 20 जून रोजी हा अपघात घडला होता़ भरत फोत्या वसावे (38) रा़ मालीआंबा ता़ अक्कलकुवा हे एमएच 12 सीवाय 9525 या खाजगी प्रवासी वाहनाने 20 जून रोजी दुपारी प्रवास करत होत़े दरम्यान आमलीबारी घाटात वाहनाचा वेग अधिक झाल्याने  भरत वसावे हे रस्त्यावर फेकले गेल़े यात त्यांना शरीरावर जागोजागी  गंभीर दुखापत होऊन मार लागल्याने अधिक उपचारासाठी जिल्हा रुग्णालयात दाखल करण्यात आले होत़े याठिकाणी उपचार सुरु असताना भरत वसावे यांचा मृत्यू झाला़ याबाबत सुनिल वसावे यांनी मोलगी पोलीस ठाण्यात दिलेल्या खबरीवरुन वाहनचालकविरोधात गुन्हा दाखल करण्यात आला असून तपास पोलीस कॉन्स्टेबल पाडवी करत आहेत़