नळवे खुर्द शिवारात पपईची पाच हजार झाडे अज्ञात चोरटय़ांनी कापून फेकली

लोकमत न्यूज नेटवर्कनंदुरबार : तालुक्यातील नळवे खुर्द शिवारात दोन शेतक:यांच्या सुमारे सहा एकर क्षेत्रात पपईची चार हजार 800 झाडे उपटून व कापून फेकल्याचा प्रकार समोर आला आह़े अज्ञात व्यक्तीने बुधवारी पहाटेच्या सुमारास हे कृत्य केले असावे असा अंदाज आह़े घटनेमुळे शेतकरी वर्गात एकच खळबळ उडाली आह़े नळवे खुर्द येथील अशोक बंधू पाटील व मुकेश जयंतीलाल चौधरी यांनी दोन ते तीन महिन्यांपूर्वी मोठय़ा हिंमतीने पपईची लागवड केली होती़ दुष्काळावर मात करत एकरी 50 हजारार्पयत खर्च करुन लावलेली पपईची झाडे साधारण अडीच फुटार्पयत वाढल्याने त्यांच्या अपेक्षा उंचावल्या होत्या़ दरम्यान बुधवारी सकाळी शेतकरी अशोक चौधरी हे नियमित पाहणी करण्यासाठी शेताकडे गेले असता, पपई झाडे अज्ञात हत्याराने कापून फेकल्याचे दिसून आल़े त्यांनी शेताची पाहणी केली असता दोन हजार 800 झाडांची अक्षरश: कत्तल केल्याचे समोर आल़े याचवेळी शेजारील शेतकरी मुकेश चौधरी यांच्या शेतातील दोन हजार पपई झाडे हाताने उपटून फेकल्याचे दिसून आल़े या प्रकारानंतर ग्रामस्थांनी पोलीसात माहिती दिली़ याबाबत अशोक चौधरी यांनी उपनगर पोलीस ठाण्यात दिलेल्या फिर्यादीवरुन अज्ञात व्यक्तीविरोधात गुन्हा दाखल आह़े परिसरातील शेतक:यांनी घटनेचा निषेध करत कारवाईची मागणी केली़ तपास पोलीस हेड कॉन्स्टेबल मोरे करत आहेत़