नंदुरबार : इंधन दरवाढीच्या विरोधात शिवसेनेने जिल्हाभरात आंदोलन केले. नंदुरबारात बैलगाडीवर दुचाकी ठेऊन रॅली काढण्यात आली. शहादा, नवापूर, तळोदा, अक्कलकुवा येथे देखील आंदोलन करण्यात आले.
पेट्रोल आणि डिझेल दरवाढी विरोधात आज शिवसेनेने नवापूरात निदर्शने केली. पेट्रोल आणि डिझेलसह स्वयंपाकाचा गॅस महागल्यामुळे सर्वसामान्य नागरिक मेटाकुटीस आले आहेत. महागाई देखील वाढली आहे. सामान्यांना प्रवास करणे आणि त्यामुळे जीवनावश्यक वस्तूंचे दरवाढ होत असल्यामुळे नागरिकांना महागाईचा भडका सहन करावा लागत आहे. या दरवाढी विरोधात जिल्हा संपर्क प्रमुख बबन थोरात यांच्या मार्गदर्शनाखाली नंदुरबारसह जिल्हाभरात आंदोलन झाले.
नंदुरबार येथील आंदोलनात माजी जिल्हाप्रमुख दीपक गवते, उपजिल्हाप्रमुख रवींद्र गिरासे, सुनील सोनार, गजेंद्र शिंपी, पंडित माळी यांच्यासह पदाधिकारी व कार्यकर्ते सहभागी झाले होते. नेहरु चौकात आंदोलन करण्यात आले. जिल्हाधिकारी यांना निवेदन देण्यात आले.
नवापूर
नवापूर शहरात उपजिल्हाप्रमुख हसमुख पाटील, शिवसेना नगरसेविका अरूणा पाटीलसह शिवसेनेच्या पदाधिकाऱ्यांनी निदर्शने केली. तहसीलदार मंदार कुलकर्णी यांना निवेदन देण्यात आले.
शहादा
शहादा येथे माजी जिल्हाप्रमुख अरुण चौधरी यांच्या नेतृत्वाखाली सायकल रॅली काढून केंद्र शासनाविरोधात आंदोलन करण्यात आले.
यावेळी प्रांताधिकारी डाॅ. चेतन गिरासे यांना निवेदन देण्यात आले. प्रांताधिकारी कार्यालयातील नायब तहसीलदार विजय गोस्वामी यांनी निवेदन स्वीकारले. सायकल रॅलीत उपजिल्हाप्रमुख प्रा. सखाराम मोते, शहरप्रमुख रोहनकुमार माळी, संघटक मधुकर मिस्तरी, माजी नगरसेवक विनोद चाैधरी, सागर पाटील, इद्रीस मेमन, दिलीप पाटील, बापू चाैधरी, प्रवीण सैंदाणे, उत्तम पाटील, सोमेश्वर सोनार, मनोज सोनार, निलेश पाटील. सागर चाैधरी, प्रकाश तिरमले, गणेश चित्रकथे, प्रशांत नायक, विवेक भावसार, राजू लोहार, पंडित माळी, गुलाब सुतार, सुरेश मोरे, भगवान अलकरी, प्रवीण बोरदेकर यांच्यासह शिवसैनिक सहभागी झाले होते.
तळोदा
शिवसेनेतर्फे तळोदा येथील तहसीलदार गिरीश वाखारे यांना देण्यात आले आहे. या निवेदनावर तळोदा शहर शिवसेना प्रमुख जितेंद्र दुबे, जिल्हा उपप्रमुख रुपसिंग पाडवी, तालुका प्रमुख प्रकाश कुलकर्णी, युवासेना शहरप्रमुख जगदीश चौधरी, ज्येष्ठ शिवसैनिक संजय पटेल, शहर संघटक विनोद वंजारी, माजी उपनगराध्यक्ष गौतमचंद जैन, तालुका संघटक प्रमुख आकाश पाडवी, उपतालुका प्रमुख दिलवर पाडवी, काशिनाथ कोळी, युवासेना उपशहर प्रमुख श्रावण तिजवीज, शिवसेना उपशहर प्रमुख दीपक मोरे, महेंद्र गुरव, सागर वाणी, विजय मराठे, नितू सोनार, नितीन ठाकरे, गणेश चित्रकथे आदींच्या स्वाक्षऱ्या आहेत.