सुजालपूर येथे ५२ दात्यांचे रक्तदान

सामाजिक कर्तव्य म्हणून २ जुलैपासून ‘लोकमत रक्ताचं नातं’ या अभियानांतर्गत नंदुरबार जिल्ह्यात रक्तदान शिबिरांचे आयोजन करण्यात येत आहे. ज्येष्ठ स्वातंत्र्यसेनानी स्व. जवाहरलाल दर्डा उपाख्य बाबूजी यांच्या जयंतीनिमित्त ‘लोकमत’ व विविध शहर ग्राम गुजर पाटीदार ग्लोबल मित्र मंडळ (व्हीएसजीजीएम) यांच्या संयुक्त विद्यमाने सुजालपूर (ता. नंदुरबार) येथे रक्तदान शिबिराचे आयोजन करण्यात आले होते. प्रारंभी सरदार वल्लभभाई पटेल यांच्या प्रतिमेचे प्रकाश पाटील, दिलीप पाटील, प्रदीप पाटील, किरण पाटील, सुनील पाटील, शरद भील, दिलीप भील, जिल्हा परिषद शाळेच्या मुख्याध्यापिका मोरे यांच्या हस्ते पूजन करण्यात आले. यावेळी महिला, पुरुष, तरुणी, तरुण मित्रमंडळीने उत्स्फूर्त सहभाग नोंदवला. शिबिरात एकूण ५२ रक्त पिशव्यांचे संकलन करण्यात आले.

रक्तदान शिबिरात एकाच कुटुंबातील पती-पत्नी आणि मुलीने सहभाग नोंदवला. गोविंद मदन पाटील, सुरेखा गोविंद पाटील व कन्या भाग्यश्री गोविंद पाटील यांनी रक्तदान केले. शिबिरास अनिल पाटील, मयूर पाटील, मनीष पाटील, गौरव पाटील, भावेश पाटील, भूषण पाटील, भाविक पाटील, पराग पाटील, जयेश पाटील, चंद्रकांत पाटील, प्रतीक पाटील, दीपक पाटील, पंकज पाटील, सरदार वल्लभभाई पटेल गणेश मित्रमंडळाचे सदस्य, गावातील युवती आचल पाटील, नीकिता पाटील, भाग्यश्री पाटील, दिव्या पाटील, रिया पाटील, भूमी पाटील, दिव्या भूपेंद्र पाटील, पूर्वा पाटील, खुशी पाटील, म्हसावद येथील योगेश पाटील, हितेश चौधरी, रोहित पाटील, भगवान पाटील, सरवाळा येथील भावेश पटेल, प्रशांत पटेल, विकास पटेल, सेलवासा लेवा पाटीदार गुजर मंडळाचे विनय पटेल (डामरखेडा), पळाशी येथील डॉ. योगेश पाटील, महेंद्र पाटील, पी. के. अण्णा पाटील फाउंडेशन नंदुरबारचे शीतलकुमार पाटील, संजय पाटील, हितेश पाटील, सुदाम पाटील (कोळदा), कोरीटचे मोहित पाटील, धनंजय पाटील, राम पाटील उपस्थित होते.

महिला सक्षमीकरणाचा संदेश देत जि. प. शाळेच्या मुख्याध्यापिका, अंगणवाडीसेविका, आरोग्यसेविका, आशा कार्यकर्ती व गावातील युवतींनी शिबिरात उत्स्फूर्त सहभाग नोंदविला.

‘लोकमत’, व्हीसीजीजीएमबरोबरच येथील सरदार वल्लभभाई गणेश मित्र मंडळाचे सदस्य, ज्येष्ठ नागरिक मंडळ, ग्रामस्थ व महिला तसेच शहादा, लोणखेडा, चिखली, चिंचोदा, सरवाळा, म्हसावद, डामरखेडा, पळाशी येथील व्हीएसजीजीएम सदस्य उपस्थित होते.

धुळे येथील नवजीवन ब्लड बँकेचे संचालक डॉ. सुनील चौधरी, रोहिदास जाधव, गजानन चौधरी, उद्धव पाटील, कैलास पटेल, चंद्रकांत दंडगव्हाळ, पांडुरंग गवळी यांचे सहकार्य लाभले.