कुस्त्यांचा फड रद्द
बाऱ्हाळी - मुखेड तालुक्यातील राजुरा बु. येथे खंडोबा यात्रेनिमित्त दरवर्षी कुस्त्यांच्या स्पर्धा घेण्यात येतात. यावेळी कोरोनाच्या संकटामुळे त्यांचा फड रद्द करण्यात आला. यात्रा समिती व गावकऱ्यांच्या बैठकीत हा निर्णय घेण्यात आला. यावेळी अनेकांची उपस्थिती होती.
१७ नामनिर्देशन पत्र दाखल
मुदखेड - ग्रामपंचायत निवडणुकीसाठी १७ नामनिर्देशन पत्र दाखल करण्यात आले. त्यामध्ये बारड १०, मुगट ५ व वाडी मुक्ताजी येथून दोन नामनिर्देशन पत्राचा समावेश आहे, अशी माहिती तहसीलदार दिनेश झांपले यांनी यावेळी दिली.
१९ जणांना दंड
मुदखेड - अवैध प्रवासी वाहतूक करणाऱ्या १९ जणांना पोलिसांनी पकडून दंड सुनावला. २६ डिसेंबर रोजी शहरातील उमरी चौरस्ता भागात ही कारवाई करण्यात आली. यात पोलीस निरीक्षक सुनील निकाळजे, स.पो.नि. सुरेश भाले, सहाय्यक फौजदार गौतम जोंधळे, जमादार विठ्ठल उतकर, पो.कॉ. माधव पवार, विनायक मठपती आदी सहभागी होते.
हातभट्टीवर छापा
मुदखेड - तालुक्यातील डोणगाव येथील कमानीजवळ हातभट्टीची दारु विकताना पोलिसांनी एकाला पकडले. यावेळी ४० लिटर दारु जप्त करण्यात आली. जमादार बाचेवाड, चंद्रशेखर मुंडे, विनायक मठपती, आवळे यांनी ही कारवाई केली. जमादार बाचेवाड तपास करीत आहेत.
वाजपेयी यांची जयंती
मुदखेड - माजी पंतप्रधान अटलबिहारी वाजपेयी यांची जयंती भाजपच्यावतीने साजरी करण्यात आली. महिला जिल्हा सरचिटणीस केतकी चौधरी, माजी नगरसेविका सुधा चौधरी, सुरेखा यरपलवाड, सारिका होळकर, दैवशाला चक्करवार, शोभा मोडवान, प्रियंका मळगदे, सीमा मोडवान, तालुकाध्यक्षा जया देशमुख, सुनीता मांडगुळकर, दीपा गोडसे, क्रांती रायपत्रेवार, अरुणा पेदे आदी उपस्थित होते.
अखंड हरिनाम सप्ताह
नायगाव - बरबडा येथील दत्त मंदिर तसेच कपिलेश्वर मंदिर येथे दत्त देवस्थान येथे अखंड हरिनाम सप्ताह सुरू आहे. २८ रोजी दत्त जन्म साजरा करुन अखंड दत्तनामाचा समारोप करण्यात येईल. या निमित्ताने विविध धार्मिक कार्यक्रम सुरू आहेत. कार्यक्रमासाठी दिगंबर शेवाळे, दिगंबर धर्माधिकारी, गंगाधर भुसलवाड, दत्ता बकेवाड, मारोती आळणे, माधव मोदड, अंजनाबाई मोदड, तुकाराम सूर्यवंशी, शंकर पवार आदी उपस्थित होते.
वाजपेयी यांना अभिवादन
नायगाव - तालुक्यातील वजीरगाव येथे अटलबिहारी वाजपेयी यांची जयंती साजरी करण्यात आली. यावेळी वैजनाथ ढगे, नागोराव ढगे, संजय ढगे, किशन ढगे, गोपीनाथ ढगे, साहेबराव ढगे, माधव वाघमारे, चंपती भदरगे आदी उपस्थित होते.
मोबाईल चोरीच्या घटना
कुंडलवाडी - येथील आठवडे बाजारात मोबाईल चोरट्यांचा सुळसुळाट झाला असून खिसे कापणे तसेच पर्स लांबविण्याचे प्रकारही सुरू आहे. मंगळवार व शुक्रवारी आठवडे बाजार भरतो. बाजारातील गर्दीचा फायदा घेऊन मोबाईल लांबविणे, खिसे कापणे आदी प्रकार सुरू आहेत. २५ डिसेंबर रोजी पाटोदा थडी येथील हौसाजी बोमले यांचा मोबाईल बाजारातून लांबविण्यात आला.