बेळकोणीत कुरिअर सेवा करणारा झाला सरपंच

बेळकोणी खुर्द येथे ११ फेब्रुवारी रोजी ग्रामपंचायतीच्या सभागृहात सरपंच व उपसरपंचपदाची निवडणूक पार पडली असून, यात सरपंचपदासाठी गणपत वाघमारे यांना सहा मते, तर प्रतिस्पर्धी जयशीला कांबळे यांना तीन मते पडली. उपसरपंचपदासाठी काशीनाथ वकरलावार यांना सहा मते, तर प्रतिस्पर्धी उमेदवार राधिका धर्मपुरी यांना तीन मते पडली. यापूर्वीच बिनविरोध विजयी झालेल्या अलका वैजनाथ अनमूलवाड या तब्बल ४ वेळा ग्रामपंचायतीत सदस्य म्हणून विराजमान झाल्या आहेत. याशिवाय विश्वनाथ अडबलवार, सुजित डोंगरे, अलका अनमूलवाड, मंजुळाबाई मामीडवार व जयश्री शिळेकर आदी सदस्यपदी सभागृहात उपस्थित होते. निवडी पश्चात नूतन पदाधिकाऱ्यांचे प्रा. वैजनाथ अनमलवाड, पॕॅनलप्रमुख प्रा. शंकरराव वकरलावार यांनी अभिनंदन केले. या निवडणुकीत निर्वाचन अधिकारी म्हणून प्रकाश मुसळे यांनी काम पाहिले. त्यांना ग्रामसेवक गोविंद कमठेवाड, तलाठी नीलेश मामडी यांनी सहकार्य केले.