गाडी क्रमांक ०२७१५/०२७१६ हुजूर साहिब नांदेड -अमृतसर-हुजूर साहिब नांदेड सचखंड विशेष एक्स्प्रेस १ जून २०२० पासून सुरू आहे. नुकतेच या गाडीच्या स्वच्छतेचे कंत्राट देण्यात आले आहे. यामुळे या गाडीच्या स्वच्छतेमध्ये खूप प्रगती झाली आहे. या गाडीमध्ये सर्व टॉयलेट हे बायो-टॉयलेट आहेत. या बायो-टॉयलेटच्या पूर्ण स्वच्छतेकरिता विशिष्ट मशीन-बायोटेंक एवाक्युशेन मशीन वापरण्यात येत आहे. यामुळे बायो-टॉयलेटच्या स्वच्छतेमध्ये प्रगती साधता आली आहे. तसेच या गाडीच्या डब्यांची आतून आणि बाहेरून स्वच्छता करण्याकरिता नवीन कंत्राटदाराकडून विशेष केमिकल वापरण्यात येत आहे. यामुळे गाडीची स्वच्छता खूप चांगली होत आहे. प्रवासी सुविधेत वाढ करण्याकरिता आगाऊ मनुष्यबळांसोबतच प्रवाशांना लागणाऱ्या वस्तू मुबलक प्रमाणात उपलब्ध करून देण्यात आल्या आहेत, याकरिता विशेष खरेदी करण्यात आली आहे.
प्रवास सुरू झाल्यानंतर रेल्वे डब्यामध्ये वारंवार स्वच्छतेकरिता ऑनबोर्ड हाऊस किपिंग (ओ.बी.एच.एस.)ची सुविधाही पुरवण्यात आली आहे. ओ.बी.एच.एस. कर्मचाऱ्यांचे काय कार्य असते हे दर्शवणारे बोर्ड गाडीच्या प्रत्येक डब्यामध्ये लावण्यात आले आहेत. तसेच जर प्रवासी उपलब्ध सुविधेविषयी व स्वच्छतेविषयी समाधानी नसल्यास त्यांनी तक्रार करावयाचा नंबरसुद्धा त्या बोर्डवर छापला आहे. तसेच या गाडीमध्ये प्रवासादरम्यान प्रवाशांकडून फीड बेक फॉर्म भरून घेतला जात आहे. या फॉर्ममध्ये बहुतांश प्रवासी समाधानी आहेत. बहुतांश प्रवाशांनी स्वच्छतेला उत्कृष्ट तसेच खूप चांगला-व्हेरी गुड असे ग्रेड दिले आहेत. सोबत काही फिड बॅक फोर्म जोडले आहेत.