विद्युत खांबावरील तार चोरीला
नांदेड- हदगांव तालुक्यातील बोरगाव येथे महावितरणच्या ११ केव्ही पोलवरील जवळपास ४०० फुट तार चोरुन नेण्यात आली. ही घटना २३ डिसेंबर रोजी उघडकीस आली. चोरट्याने महावितरणचे चार हजार रुपयांचे नुकसान केले आहे. या प्रकरणात सहाय्यक अभियता संजय महनूर यांच्या तक्रारीवरुन हदगांव पोलिस ठाण्यात गुन्हा नोंदविण्यात आला आहे.
सोनखेड येथे जुगार अड्डयावर धाड
नांदेड- लोहा तालुक्यातील सोनखेड येथे जुगार अड्डयावर पेालिसांनी धाड मारली. हॉटेल शिवराय परिसरात सार्वजनिक ठिकाणी मटक्याचा अड्डा सुरु होता. पोलिसांनी या ठिकाणाहून बाराशे रुपये जप्त केले. या प्रकरणात सोनखेड पोलिस ठाण्यात गुन्हा नोंदविण्यात आला आहे.
दुचाकीला ओव्हरटेक करताना ऑटो उलटला
नांदेड- शहरातील छत्रपती चौक भागात दुचाकीला ओव्हरटेक करण्याच्या नादात ऑटो उलटला. या अपघातात ऑटोतील दोन प्रवाशी जखमी झाल्याची घटना मंगळवारी दुपारी घडली.
ऑटो क्रमांक एम.एच.२६, बीडी. ३९८२ च्या चालकाने आपल्या ताब्यातील ट्रक भरधाव वेगाने चालविला. समोर असलेल्या एका दुचाकीला ओव्हरटेक करण्याच्या नादात ऑटोचालकाचे नियंत्रण सुटले. त्यामुळे ऑटो उलटला. यावेळी ऑटोतील दोन प्रवाशी जखमी झाले.