कुही : सासरहून नागपूरला माेटारसायकलने जात असलेल्या तरुणाला अज्ञात वाहनाने जाेरात धडक दिली. त्यात त्या तरुणाचा घटनास्थळीच मृत्यू झाला. ही घटना कुही पाेलीस ठाण्याच्या हद्दीतील कुही-पाचगाव फाटा मार्गावरील उंद्री शिवारात शुक्रवारी (दि. ५) दुपारी १२.३० वाजताच्या सुमारास घडली.
सतीश ऊर्फ साेनू विनाेद कांबळे (३५, रा. सर्वाेदयनगर, वाठाेडा, नागपूर) असे मृत तरुणाचे नाव आहे. सतीशचे कुही तालुक्यात सासर असून, ताे कामानिमित्त सासरी आला हाेता. काम आटाेपून ताे त्याच्या एमएच-४०/डी-१७८ क्रमांकाच्या माेटारसायकलने नागपूरला परत जात हाेता. दरम्यान, उंद्री शिवारात विरुद्ध दिशेने वेगात आलेल्या अज्ञात वाहनाने त्याच्या माेटारसायकलला जाेरात धडक दिली. त्यात गंभीर दुखापत झाल्याने त्याचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह ताब्यात घेत, उत्तरीय तपासणीसाठी कुही येथील ग्रामीण रुग्णालयात आणला. त्याच्याकडे असलेल्या कागदपत्रावरून त्याची ओळख पटली. या प्रकरणी कुही पाेलिसांनी अज्ञात वाहन चालकाविरुद्ध गुन्हा नाेंदविला असून, या घटनेचा तपास दिलीप लांजेवार, मंडावले, अमित पवार करीत आहेत.