रामटेक : भरधाव अज्ञात वाहनाने माेटारसायकलला जाेरात धडक दिली. त्यात गंभीर जखमी झालेल्या तरुणाचा मृत्यू झाला. ही घटना रामटेक पाेलीस ठाण्याच्या हद्दीतील नेरला येथे बुधवारी (दि. १८) रात्री १०.३० वाजेच्या सुमारास घडली.
अमाेल तुळशीराम कुंभरे (२१, रा. चाचेर, ता. माैदा) असे मृताचे नाव आहे. अमाेल सूर्यलक्ष्मी काॅटन मिलमध्ये काम करायचा. ताे बुधवारी रात्री त्याच्या माेटारसायकलने (क्र. एमएच-४० डी-१३६७) कामावर जात हाेता. दरम्यान, नेरला (ता. माैदा) येथील बसस्टाॅपजवळ भरधाव अज्ञात वाहनाने त्याच्या माेटारसायकलला जाेरात धडक दिली. त्यात गंभीर दुखापत झाल्याने अमाेलला लगेच रामटेक येथील रुग्णालयात आणले. तिथे उपचारादरम्यान त्याचा मृत्यू झाला. याप्रकरणी रामटेक पाेलिसांनी अज्ञात वाहनचालकाविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा तपास सहाय्यक पाेलीस निरीक्षक भुते करीत आहेत.