लाेकमत न्यूज नेटवर्क
खापरखेडा : भरधाव ट्रकचालकाने दुचाकीला मागून जाेरात धडक दिली. त्यात गंभीर दुखापत झाल्याने दुचाकीस्वार तरुणाचा घटनास्थळीच मृत्यू झाला. ही घटना खापरखेडा पाेलीस ठाण्याच्या हद्दीतील सब्बलनाला परिसरात मंगळवारी (दि.६) सकाळी ८ वाजताच्या सुमारास घडली.
शंकर ऊर्फ विक्की छाेटेसिंग ठाकूर (२८, रा. मिलन चाैक, खापरखेडा) असे मृत तरुणाचे नाव असून, ताे मिळेल ते हातमजुरीचे काम करीत हाेता. मंगळवारी सकाळच्या सुमारास मृत शंकर हा आपल्या एमएच-४०/जी-६४०२ क्रमांकाच्या दुचाकीने घरून दहेगाव (रंगारी) गावाच्या दिशेने जात हाेता. दरम्यान, सुमारे अर्धा किमी अंतरावरील सब्बलनाला परिसरात रेती वाहतुकीच्या एमएच-३१/सीक्यू-४०७३ क्रमांकाच्या दहाचाकी ट्रकने त्याच्या दुचाकीला मागून जाेरात धडक दिली. त्यात गंभीर दुखापत झाल्याने शंकरचा घटनास्थळीच मृत्यू झाला.
आराेपी ट्रकचालक राजू रामराव काेठे (५०, रा. इसापूर) याने भरधाव वेगाने व निष्काळजीपणे ट्रक पळविल्याने हा अपघात झाल्याची माहिती प्रत्यक्षदर्शीनी दिली. दरम्यान, घटनेची माहिती मिळताच खापरखेडा ठाण्याचे पाेलीस उपनिरीक्षक राजेश पिसे व शिपाई अलीम खान यांनी घटनास्थळ गाठून पंचनामा केला व मृतदेह उत्तरीय तपासणीसाठी नागपूर येथील शासकीय रुग्णालयात पाठविला. याप्रकरणी खापरखेडा पाेलिसांनी आराेपी ट्रकचालकाविरुद्ध गुन्हा नाेंदविला असून, त्यास अटक केली आहे. घटनेचा पुढील तपास खापरखेडा पाेलीस करीत आहेत.
060721\img-20210706-wa0003.jpg
ट्रक खाली दुचाकी आल्याने दुचाकींचा चुराडा आणि मृतकाचा पडलेले प्रेत