कळमेश्वर : तरुणाने दारूच्या नशेत घरी छताला गळफास लावून आत्महत्या केली. ही घटना कळमेश्वर पाेलीस ठाण्याच्या हद्दीतील घाेराड येथे साेमवारी (दि. २९) रात्री ८ वाजताच्या सुमारास उघडकीस आली.
सुमित धनराज बागडे (३०, रा. घाेराड, ता. कळमेश्वर) असे मृताचे नाव आहे. सुमित साेमवारी दुपारी मित्रांसाेबत रंग खेळला हाेता. त्यानंतर ताे दारू प्यायला आणि घरी परतला. घरी त्याने स्वत:ला खाेलीत बंद करून घेतले. रात्री कुटुंबीयांनी त्याला जेवण करण्यासाठी आवाज दिला. आतून प्रतिसाद न मिळाल्याने त्यांनी खाेलीचे दार ताेडले. त्यावेळी त्यांना सुमित छताला लटकलेल्या अवस्थेत आढळून आला. त्याने छताच्या हूकला साडीच्या मदतीने गळफास लावून घेतला हाेता. माहिती मिळताच पाेलिसांनी घटनास्थळ गाठले व मृतदेह उत्तरीय तपासणीसाठी कळमेश्वर येथील ग्रामीण रुग्णालयात आणला. त्याच्या आत्महत्येचे कारण कळू शकले नाही. याप्रकरणी कळमेश्वर पाेलिसांनी अकस्मात मृत्यूची नाेंद केली असून, या घटनेचा तपास सहायक फाैजदार वानखेडे करीत आहेत.