पुरुषोत्तम नागपूरकर
खापा : डिसेंबर २०२१ ते फेब्रुवारी २०२२ या कालावधीत मुदत संपणाऱ्या नगरपालिकेच्या वाॅर्ड रचनेचे आदेश राज्य निवडणूक आयोगाने दिले आहेत. आयोगाच्या आदेशानंतर खापा शहरातील राजकीय पार वर चढतोय. राज्यात महाविकास आघाडीची सत्ता स्थापन झाल्यानंतर पशुसंवर्धन दुग्ध विकास मंत्री सुनील केदार यांच्या मतदार संघात मोडणाऱ्या खापा नगरपरिषदेत यावेळी कोणाची सत्ता येणार याकडे राजकीय पंडितांचे लक्ष लागले आहे.
२०१७ मध्ये भाजपाने खाप्याचे मैदान मारले होते. काँग्रेस, राष्ट्रवादी, शिवसेना स्वतंत्र निवडणूक लढले होते. तीत १७ पैकी १५ जागांवर भाजपा, काँग्रेस (१) तर एका जागेवर अपक्ष उमेदवार विजयी झाला होता. नगराध्यक्षाच्या थेट निवडणुकीत भाजपाच्या प्रियंका मोहटे विजयी झाल्या होत्या. प्रभाग पद्धतीने ही निवडणूक झाली होती. आता वाॅर्डनिहाय निवडणूक होईल. एका वाॅर्डात एक सदस्य अशी निवडणूक होणार असल्याने उमेदवारांची संख्या निश्चित वाढणार आहे. सावनेर विधानसभा मतदारसंघात जिल्हा परिषद व पंचायत समिती निवडणुकीत यश मिळवल्यानंतर कॉंग्रेस कार्यकर्त्यात उत्साह आहे. इकडे शिवसेना आणि राष्ट्रवादी कॉंग्रेसची या निवडणुकीत काय भूमिका राहील, याकडे लक्ष लागले आहे.
नगराध्यक्षपदासाठी होते सहा उमेदवार
२०१७ मध्ये पालिकेच्या निवडणुकीत नगराध्यक्षाची थेट जनतेतून निवड झाली होती. सर्वसाधारण महिला गटासाठी राखीव झालेल्या जागेसाठी सहा महिला उमेदवार रिंगणात होते. या भाजपच्या प्रियंका मोहटे यांनी ३,८८६ मते मिळवित बाजी मारली. काँग्रेसच्या प्रज्ञा बुरडे यांना २,०४०, शारदा बारापात्रे (अपक्ष) १,८०६ तर शिवसेनेच्या किती कोसे यांना ९०० मिळाली होती. यावेळी नगरसेवक म्हणून निवडून आलेल्या सदस्यांमधून नगराध्यक्ष निवडला जाणार आहे त्यासोबतच नगराध्यक्षपद कोणत्या संवर्गासाठी राखीव राहते ही महत्त्वाची ठरेल.
विकास आणि वाद
गत पाच वर्षात खापा शहराचा मेकओव्हर झाला. मात्र विकास कामावरून काँग्रेसने लावलेल्या विविध आरोपांमुळे पालिका चर्चेत राहिली.
020921\img_20210902_181808.jpg
खापा न प निवडणूक