भिवापूर : भरधाव अज्ञात वाहनाने माेटरसायकलला धडक दिली. त्यात गंभीर जखमी झालेल्या दुचाकीचालकाचा घटनास्थळीच मृत्यू झाला. ही घटना भिवापूर पाेलीस ठाण्याच्या हद्दीतील मानाेरा फाटा येथे शुक्रवारी (दि. ४) सकाळी ९.३० वाजताच्या सुमारास घडली.
माराेती महादेव रंधई (२१) असे मृताचे नाव आहे. ताे त्याच्या एमएच-४०/बीएम-५७९१ क्रमांकाच्या माेटरसायकलने जात हाेता. दरम्यान, मानाेराफाटा शिवारात भरधाव अज्ञात वाहनाने त्याच्या माेटरसायकलला जाेरात धडक दिली. त्यात गंभीर दुखापत झाल्याने त्याचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी भिवापूर येथील ग्रामीण रुग्णालयात आणला. याप्रकरणी भिवापूर पाेलिसांनी अज्ञात वाहनचालकाविरुद्ध भादंवि २७९, ३३७, ३३८, ३०४ (अ) अन्वये गुन्हा दाखल केला असून, या घटनेचा पुढील तपास पाेलीस उपनिरीक्षक चंगाेले करीत आहेत.