चिचाळा : भरधाव अज्ञात वाहनाने विरुद्ध दिशेने येणाऱ्या माेटारसायकलला जाेराची धडक दिली. त्यात गंभीर जखमी झालेल्या दुचाकीस्वाराचा घटनास्थळीच मृत्यू झाला. ही घटना उमरेड पाेलीस ठाण्याच्या हद्दीतील उमरेड-चिमूर (जिल्हा चंद्रपूर) मार्गावरील मांगरूड गावाजवळ शनिवारी (दि. २५) रात्री ७.३० वाजेच्या सुमारास घडली.
जगदीश शहाणे (४०, रा. पाहमी-चिचाळा, ता. भिवापूर), असे मृताचे नाव आहे. ते एमएच-४०/बीयू-६२२४ क्रमांकाच्या माेटारसायकलने कामानिमित्त चिचळा येथून उमरेडला जात हाेते. दरम्यान, मांगरूड गावाजवळ विरुद्ध दिशेने वेगात आलेल्या वाहनाने त्यांच्या माेटारसायकलला जाेरात धडक दिली आणि वाहन निघून गेले. यात डाेक्याला गंभीर दुखापत झाल्याने त्यांचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठले व मृतदेह ताब्यात घेत उत्तरीय तपासणीसाठी उमरेड येथील ग्रामीण रुग्णालयात पाठविला. याप्रकरणी उमरेड पाेलिसांनी अज्ञात वाहनचालकाविरुद्ध गुन्हा दाखल केला असून, या घटनेचा तपास पोलीस हवालदार विठ्ठल तितरमारे व प्रदीप ठाकरे करीत आहेत.