कुही : भरधाव अज्ञात वाहनाने माेटरसायकलला जाेरात धडक दिली. त्यात गंभीर जखमी झालेल्या दुचाकीचालकाचा उपचाराला नेताना वाटेतच मृत्यू झाला. ही घटना कुही पाेलीस ठाण्याच्या हद्दीतील कुही-वडाेदा (ता. कामठी) मार्गावर नुकतीच घडली.
बंडू शिवदास गायधने (४५, रा. भूगाव, ता. कामठी) असे मृताचे नाव आहे. बंडू गायधने त्यांच्या माेटरसायकलने वडाेदा मार्गे कुही येथे जात हाेते. दरम्यान, मागाहून वेगात आलेल्या अज्ञात वाहनाने त्यांच्या माेटरसायकलला जाेेरात धडक दिली. यात गंभीर दुखापत झाल्याने नागरिकांनी त्यांना लगेच कुही येथील ग्रामीण रुग्णालयात नेले. तिथे डाॅक्टरांनी तपासणीअंती त्यांना मृत घाेषित केले. याप्रकरणी कुही पाेलिासांनी अज्ञात वाहन चालकाविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा पुढील तपास पाेलीस उपनिरीक्षक तकीत करीत आहेत.