...
मोबाईलचोर सापडला रंगेहात
नागपूर : उपचारासाठी जबलपूरवरून आलेल्या एका युवकाचा मोबाईल हिसकणाऱ्या आरोपीला पाठलाग करून पकडण्यात आले. सत्यम सोनी हे उपचारासाठी नागपुरात आले होते. सोमवारी दुपारी लकडगंजच्या जुन्या बसस्थानक चौकात उभे राहून ते मोबाईलवरून बोलत असताना शेख रमजान वली कुरैशी (२०, रा. मोतीबाग, पांचपावली) हा मागून धावत आला व सत्यम यांचा मोबाईल घेऊन पळायला लागला. परंतु सत्यम यांनी पाठलाग करून त्याला पकडले व पोलिसांच्या हवाली केले.
...
लुटमारीच्या तयारीतील आरोपींना अटक
नागपूर : पारडी पोलिसांनी शस्त्रांसह लुटमारीच्या तयारीत असलेल्या आरोपींना अटक केली. अटकेतील आरोपींमध्ये अंकित ऊर्फ प्रणय राजकुमार देशमुख (१९, धनगवली नगर), कुणाल ऊर्फ मोंटी मोहनसिंह चव्हाण (१९,लाल स्कूल, पारडी) यांचा समावेश आहे. अन्य दोन आरोपी अल्पवयीन आहेत. आपुल्या सहकाऱ्यांसह शस्त्र घेऊन ते पारडीमधील के. नागेश्वर नगराजवळ लपलेले होते. पोलिसांना पाहून एकजण पळायला लागला. दोन अल्पवयीन मुले आणि आरोपी पोलिसांच्या हाती लागले. त्यांच्याकडून शस्त्रे हस्तगत करण्यात आली असून गुन्हा दाखल केला आहे.