कामठी : तलवार घेऊन संशयास्पद स्थितीत फिरणाऱ्या तरुणास कामठी पाेलिसांनी अटक केली. ही कारवाई कामठी (नवीन) पाेलीस ठाण्याच्या हद्दीतील कामठी-भिलगाव मार्गावरील रनाळा (ता. कामठी) शिवारात गुरुवारी (दि. १७) सायंकाळी ४ वाजताच्या सुमारास करण्यात आली.
मोहम्मद आबिद मोहम्मद खालिद (३६, रा. विणकर कॉलनी, कामठी) असे अटक करण्यात आलेल्या आराेपीचे नाव आहे. कामठी (नवीन) पाेलिसांचे पथक कामठी-भिलगाव मार्गावर गस्तीवर हाेते. त्यांना मोहम्मद आबिद मोहम्मद खालिद हा रनाळा शिवारात संशयास्पद स्थितीत फिरत असल्याचे आढळून आला. त्यामुळे पाेलिसांनी ताब्यात घेत त्याची झडती घेतली. यात त्याच्याकडे तलवार आढळून आली. त्यामुळे त्याला अटक करून तलवार जप्त केली. याप्रकरणी कामठी (नवीन) पाेलिसांनी आर्म ॲक्ट अन्वये गुन्हा नाेंदवून तपास सुरू केला आहे. ही कारवाई दुय्यम पोलीस निरीक्षक सुरेश कन्नाके, मंगेश लांजेवार, राजेंद्र टाकळीकर, सुधीर कनोजिया, संदीप गुप्ता, उपेंद्र यादव, सुरेंद्र शेंडे यांच्या पथकाने केली.