हिंगणा : राहत्या घरी दारूच्या नशेत विवाहित तरुणाने गळफास घेऊन आत्महत्या केली. ही घटना हिंगणा पाेलीस ठाण्याच्या हद्दीतील कान्हाेलीबारा येथे बुधवारी सकाळच्या सुमारास उघडकीस आली.
बंडू शेषराव हळदे (वय २४, रा. कान्हाेलीबारा, ता. हिंगणा) असे मृत तरुणाचे नाव आहे. बंडूला दारूचे व्यसन हाेते. मंगळवारी (दि. १८) रात्री ताे दारू पिऊन घरी आला हाेता. त्याची पत्नी काही दिवसांपूर्वी माहेरी गेली आहे. वादळ सुरू असल्याने त्याचा भाऊ प्रफुल्लने त्याला घरी जाण्यास सांगितले. ताे त्याच्या घरी गेला. दरम्यान, दुसऱ्या दिवशी सकाळी बराच वेळ हाेऊनही ताे घराबाहेर न आल्याने त्याच्या भावाने घरात पाहिले असता, दार आतून बंद हाेते. त्याने शेजाऱ्यांना बाेलावून भावाने दार उघडले असता ताे गळफास घेऊन लटकलेल्या अवस्थेत आढळून आला. लगेच त्याला प्राथमिक आराेग्य केंद्रात नेले असता, डाॅक्टरांनी त्यास मृत घाेषित केले. घटनेची माहिती मिळताच हिंगणा पाेलिसांनी घटनास्थळ गाठून पंचनामा केला व मृतदेह उत्तरीय तपासणीसाठी हिंगणा येथील ग्रामीण रुग्णालयात पाठविला. या प्रकरणी हिंगणा पाेलिसांनी अकस्मात मृत्यूची नाेंद केली असून, पुढील तपास हवालदार बाबूराव मडावी करीत आहेत.