नागपूर : प्रवाशांच्या सुविधेसाठी आणि वाढलेली प्रतीक्षा यादी पाहून रेल्वे प्रशासनाने जबलपूर-यशवंतपूर आणि यशवंतपूर-जबलपूर एक्स्प्रेस चालविण्याचा निर्णय घेतला आहे. रेल्वे प्रशासनाने घेतलेल्या निर्णयानुसार रेल्वेगाडी क्रमांक ०२१४० जबलपूर-यशवंतपुर ही गाडी जबलपूरवरून प्रत्येक शनिवारी सकाळी ६.४५ वाजता सुटेल. ही गाडी नागपूरला दुपारी ३.१५ वाजता आणि यशवंतपूरला दुसऱ्या दिवशी दुपारी १.३० वाजता पोहोचेल. परतीच्या प्रवासात रेल्वेगाडी क्रमांक ०२१३९ यशवंतपूर-जबलपूर सुपरफास्ट रेल्वेगाडी यशवंतपूर येथून दुपारी ३.५० वाजता सुटेल. गाडी नागपूरला दुपारी १.२० वाजता आणि जबलपूरला दुसऱ्या दिवशी रात्री रात्री ११.३५ वाजता पोहोचेल. दोन्ही गाड्यात एकूण २२ कोच आहेत. यात २ द्वितीय वातानुकूलित, ४ तृतीय वातानुकूलित, ९ स्लिपर, ४ द्वितीय साधारण, २ ब्रेक कम जनरेटर कार आणि १ पेंट्रीकारचा समावेश आहे.
...........