लाेकमत न्यूज नेटवर्क
रामटेक/कामठी : काेराेना संक्रमणामुळे नववर्षाच्या स्वागतात काेणतीही कमी दिसून आली नाही. नागरिकांनी स्वत:साेबतच इतरांची काळजी घेत तसेच उपाययाेजनांचे पालन करीत नववर्षाचे जल्लाेषात स्वागत केले. यात काहींनी देवदर्शन केले तर काहींनी पर्यटनाचा आनंद लुटला.
देवदर्शन व पर्यटनासाठी रामटेकचे गडमंदिर प्रसिद्ध आहे. नववर्षानिमित्त प्रभू रामचंद्र व सीतामाईचे दर्शन घेण्यासाठी भाविकांसह पर्यटकांनी गडमंदिर परिसरात गर्दी केली हाेती. मंदिर सायंकाळी ५ वाजेपर्यंत सुरू असल्याने अनेकांना दर्शन घेणे शक्य न झाल्याने त्यांचा हिरमाेड झाला. पार्किंगसाठी प्रशस्त जागा नसल्याने नागरिकांनी राेडलगत वाहने उभी केली हाेती. त्यामुळे राेडच्या दाेन्ही बाजूला एक किमीपर्यंत वाहनांच्या रांगा लागल्या हाेत्या. गडमंदिरासाेबतच खिंडसी जलाशय परिसरातही पर्यटकांनी गर्दी केली हाेती.
रामटेक शहर व परिसरात गुरुवारी (दि. ३१) सायंकाळपासूनच पाेलीस बंदाेबस्त लावण्यात आला हाेता. गर्दीची ठिकाणे निवडून तिथे अतिरिक्त पाेलीस तैनात केले हाेते. अनुचित प्रकार व अप्रिय घटना घडणार नाही, याची काळजी घेण्यात आली हाेती, अशी माहिती रामटेकचे ठाणेदार प्रमाेद मकेश्वर यांनी दिली. दुसरीकडे, रामटेक परिसरातील वाहतूक व्यवस्था सांभाळताना पाेलिसांच्या नाकीनऊ आले हाेते. वाहतूक काेंडीमुळे काहींनी गडमंदिर परिसरात जाण्याऐवजी परत जाणे पसंत केले.
कामठी शहरातील कन्हान मार्गावरील आडापूल साईमंदिरात शेकडाे भाविकांनी दर्शन घेतले. देशाला काेराेनामुक्त करण्यासाठी साकडेही घालण्यात आले. काही भाविकांनी पूजा व आरती केली तर काहींनी सत्यनारायण कथाही केली. काहींनी महाप्रसादाचे आयाेजन केले हाेते. दर्शन घेताना व प्रसाद वितरण करताना फिजिकल डिस्टन्सिंगचे पालन करण्यात आले हाेते. मंदिर परिसरात कामठी (जुनी)चे ठाणेदार विजय मालचे यांच्या नेतृत्वात पाेलीस बंदाेबस्त ठेवण्यात आला हाेता. अनुचित प्रकार घडणार नाही, याची काळजी घेण्यात आली हाेती.
...
पर्यटकांची गर्दी
पर्यटकांनी रामटेकच्या खिंडसीसाेबतच उमरेड कऱ्हांडला अभयारण्याच्या गाेठणगाव गेटजवळ गर्दी केली हाेती. या भागात वाघांचे हमखास दर्शन हाेत असल्याने हे ठिकाण पर्यटकांच्या आवडीचे झाले आहे. सध्या या अभयारण्यातील गाेठणगाव गेट परिसरात टी सिक्स नावाच्या वाघाचा वावर आहे. त्याला बघण्यासाठी पर्यटक व वन्यप्रेमी दूरदूरून येतात. नववर्षानिमित्त हा परिसर गर्दीने फुलून गेला हाेता. काहींना वाघाचे दर्शनही झाले. काहींनी जंगल सफारीचा आनंद लुटला.