सावनेर/कामठी/काटोल/नरखेड/कळमेश्वर/ कुही/ उमरेड/ रामटेक /कन्हान/मौदा : नागपूर जिल्ह्यात सावनेर, कळमेश्वर आणि हिंगणा तालुक्यात कोरोनाबाधितांच्या संख्येत रोज दुपटीने वाढ होत आहे. सावनेर तालुक्यात गुरुवारी २७४ रुग्णांची नोंद झाली. यात शहरातील ८६ तर ग्रामीण भागातील १८८ रुग्णांचा समावेश आहे. तालुक्यात ५ रुग्णांचा कोरोनामुळे मृत्यू झाला आहे. यात दहेगाव येथे तीन तर चिचोली (खापरखेडा) आणि कोच्छी येथील एका रुग्णाचा समावेश आहे.
कळमेश्वर तालुक्यात १२५ रुग्णांची भर पडली. यात कळमेश्वर-ब्राह्मणी न.प.क्षेत्रातील २६ रुग्णांचा समावेश आहे. ग्रामीण भागात गोंडखैरी येथे १६, धापेवाडा (१४), तेलगाव (१३), मोहपा (९), मांडवी, वरोडा येथे (प्रत्येकी ८), तेलकामठी (७), तिष्टी (३), भंडागी, तोंडाखैरी, वाढोणा, कळंबी येथे प्रत्येकी दोन, तर धुरखेडा, आदासा, वाढोणा बु, सोनपूर, सावळी बु, निमजी, निमजी खदान, खापरी, संवद्री, सुसंद्री, कोहळी, पिपळा आणि परसोडी येथे प्रत्येकी एका रुग्णाची नोंद झाली.
हिंगणा तालुक्यात ८०० नागरिकांच्या चाचण्या करण्यात आल्या. तीत ८९ रुग्णांचे अहवाल पॉझिटिव्ह आले. यात हिंगणा येथील ३१, वानाडोंगरी (२३), डिगडोह (७), टाकळघाट (६), इसासनी (५), तुरकमारी (४), रायपूर, वडधामना, नागलवाडी, गुमगाव येथे प्रत्येकी २ तर मंगरुळ, सावळी बिबी, जुनेवानी, टेंभरी व मोंढा येथे प्रत्येकी एका रुग्णाची नोंद झाली. तालुक्यात आतापर्यंत कोरोनाबाधितांची संख्या ५४२९ इतकी झाली आहे. यातील ४२०९ रुग्ण बरे झाले, तर ११५ रुग्णांचा मृत्यू झाला आहे.
नरखेड तालुक्यात १७ रुग्णांची नोंद झाली. यात नरखेड शहरातील ८, तर ग्रामीण भागातील ९ रुग्णांचा समावेश आहे. ग्रामीण भागातील अॅक्टिव्ह रुग्णांची संख्या ३७५ तर शहरात ७२ इतकी झाली आहे. गुरुवारी मदना येथे ७ तर भिष्णूर आणि जामगाव येथे प्रत्येकी एका रुग्णाची नोंद झाली.
कन्हान प्राथमिक आरोग्य केंद्राअंतर्गत गुरुवारी १२४ नागरिकांच्या चाचण्या करण्यात आल्या. तीत ४५ जणांचे अहवाल पॉझिटिव्ह आले. या केंद्राअंतर्गत आतापर्यंत १३७१ कोरोनाबाधितांची नोंद झाली आहे. यातील ९८८ रुग्ण बरे झाले आहेत, तर ३३ रुग्णांचा मृत्यू झाला आहे. पारशिवनी येथे ६ रुग्णांची नोंद झाली. या महिन्यात पारशिवनी तालुक्यात दोघांचा कोरोनामुळे मृत्यू झाला आहे, तर ७२ नागरिक बाधित झाले आहेत.
मौदा तालुक्यात ८ रुग्णांची भर पडली. तालुक्यात आतापर्यंत कोरोनाबाधितांची संख्या ९३९ झाली आहे. यातील ७६१ रुग्ण बरे झाले आहेत, तर ३० रुग्णांचा मृत्यू झाला आहे. सध्या १४८ रुग्णांवर उपचार सुरू आहेत.
उमरेड तालुक्यात ४८ रुग्णांची नोंद झाली. यात शहरातील १२, तर ग्रामीण भागातील ३६ जणांचा समावेश आहे. तालुक्यात आतापर्यंत ४९ रुग्णांचा कोरोनामुळे मृत्यू झाला आहे.
कुही तालुक्यातील चारही प्राथमिक आरोग्य केंद्रात १२७ नागरिकांच्या चाचण्या करण्यात आल्या. तीत १२ जणांचा अहवाल पॉझिटिव्ह आले. यात कुही शहर, चिकना, मांगली येथे प्रत्येकी दोन रुग्णांचा तर हरदोली राजा (४) आणि तारणा येथील एकाचा समावेश आहे.