काटाेल/सावनेर/माैदा/बुटीबाेरी : लाॅकडाऊन काळात अवैध दारू विक्रीला उधाण येत असल्याने स्थानिक गुन्हे शाखा आणि नागपूर ग्रामीण पाेलिसांच्या पथकाने काटाेल, सावनेर तालुक्यातील खापा व केळवद, माैदा व नागपूर (ग्रामीण) तालुक्यातील बुटीबाेरी पाेलीस ठाण्याच्या हद्दीतील विविध ठिकाणी सुरू असलेल्या अवैध दारू विक्री अड्डे व वाहतुकीवर कारवाई करीत नऊ जणांविरुद्ध गुन्हे दाखल केले. यात आराेपींकडून देशी, विदेशी व माेहफुलाची दारू, दाेन चारचाकी व एक दुचाकी वाहन असा एकूण ८ लाख ५३ हजार ४४० रुपये किमतीचा मुद्देमाल जप्त केला.
काटाेल पाेलिसांनी शहरातील संगमानगरात कारवाई करीत माेहफुलाची अवैध वाहतूक करणारी एमएच-३१/सीएस-८३५९ क्रमांकाची झायलाे पकडली. यात महेंद्र प्रीतम राजपूत, रा. डाेंगरगाव, ता. काटाेल याच्याविरुद्ध गुन्हा नाेंदविण्यात आला. त्याच्याकडून दाेन लाख रुपयाची झायलाे आणि दाेन हजार रुपयाची माेहफुलाची २० लिटर दारू असा एकूण २ लाख २ हजार रुपयाचा मुद्देमाल जप्त केल्याची माहिती ठाणेदार महादेव आचरेकर यांनी दिली.
खापा (ता. सावनेर) पाेलिसांनी खापा शहरातील नवीन वस्तीत राहणाऱ्या सुनील चतरू काेल्हेच्या घरी धाड टाकून घराची झडती घेतली. यात त्याच्या घरातून १,२६० रुपये किमतीची देशीदारू (२१ बाटल्या) जप्त करून त्याच्याविराेधात गुन्हा नाेंदविण्यात आल्याची माहिती ठाणेदार अजय मानकर यांनी दिली. बुटीबाेरी (ता. नागपूर ग्रामीण) पाेलिसांनी खापरी (ता. नागपूर ग्रामीण) शिवारात कारवाई करीत माेहफुलाच्या दारूची अवैध विक्री करणाऱ्या अरविंद राजू ॲलाेसिस, रा. बाेरी (ठाणा) यास ताब्यात घेतले. त्याच्याकडून पाच हजार रुपयाची २५ लिटर माेहफुलाची दारू जप्त केली.
बुटीबाेरी पाेलिसांनी दुसऱ्या कारवाईमध्ये महेश गजानन गाेंडगे, रा. वाॅर्ड क्रमांक-५, बाेरी याच्या घरी धाड टाकली. यात त्याच्याविरुद्ध गुन्हा नाेंदवून त्याच्याकडून सहा हजार रुपयाची ३० लिटर माेहफुलाची दारू जप्त केली. याच पाेलिसांच्या पथकाने राजू माेतीराम जाकनकर, रा. रुईखैरी याच्या घरी धाड टाकून दाेन हजार रुपयाची १० लिटर माेहफुलाची दारू जप्त केली व त्याच्याविरुद्ध गुन्हा नाेंदविला. नंतर या पथकाने खापरी (डवा) परिसरात कारवाई करीत माेहफुलाच्या दारूची अवैध वाहतूक करणाऱ्या शुभम विलास दाेडके याच्याविरुद्ध गुन्हा नाेंदविला. त्याच्याकडून ५० हजार रुपये किमतीची एमएच-४०/बीझेड-७३६० क्रमांकाची दुचाकी व चार हजार रुपयाची २०० लिटर माेहफुलाची दारू असा एकूण ५४ हजार रुपयाचा मुद्देमाल जप्त केला, अशी माहिती पाेलीस अधिकाऱ्यांनी दिली.
...
गुमथळा परिसरात ‘एलसीबी’ची कारवाई
स्थानिक गुन्हे शाखेच्या पथकाने माैदा पाेलीस ठाण्याच्या हद्दीतील गुमथळा (ता. कामठी) शिवारात कारवाई करीत रामेश्वर गाेविंदराव शहाणे, रा. घाेरपड, ता. कामठी याच्याकडून २४ हजार ९६० रुपये किमतीची देशीदारूच्या ४८० बाटल्या आणि ११ हजार २२० रुपये किमतीच्या विदेशी दारूच्या ७५ बाटल्या असा एकूण ३६ हजार १८० रुपये किमतीचा मुद्देमाल जप्त केल्याची माहिती स्थानिक गुन्हे शाखेचे पाेलीस निरीक्षक अनिल जिट्टावार यांनी दिली.
...
बाेलेराेमधून माेहफुलाची वाहतूक
केळवद (ता. सावनेर) पाेलिसांनी सावळी (फाटा) परिसरात केलेल्या कारवाईमध्ये माेहफुलाची अवैध वाहतूक करणारे एमएच-४०/एके-००४० क्रमांकाचे छाेटे मालवाहू वाहन (बाेलेराे) पकडले. यात संताेष गणपत बावनकर, विजय गणेश मेश्राम दाेघेही रा. धापेवाडा, ता. कळमेश्वर व शिवशंकर नारायण माेहाडीकर, रा. चंद्रभागानगर, तांडापेठ, नागपूर यांच्याविराेधात गुन्हा नाेंदविला. शिवाय, त्यांच्याकडून पाच लाख रुपयाचे वाहन आणि ६० हजार रुपयाची १,२०० किलाे माेहफुले असा एकूण ५ लाख ६० हजार रुपये किमतीचा मुद्देमाल जप्त केला, अशी माहिती ठाणेदार दिलीप ठाकूर यांनी दिली.