नागपूर : रेमडेसिविर इंजेक्शनचा काळाबाजार करणाऱ्या एक्स-रे तंत्रज्ञ तरुणांना सक्करदरा पाेलिसांनी रंगेहाथ अटक केली. पाच दिवसांत रेमडेसिविर इंजेक्शनच्या काळाबाजाराचे हे चाैथे प्रकरण आहे. न्यू सुभेदार ले-आऊट निवासी अभिलाष देवराव पेठकर (२८) आणि तुकडाेजी चाैक, मानेवाडा निवासी अनिकेत माेरेश्वर नंदेश्वर (२१) अशी आराेपींची नावे आहेत.
अभिलाष व अनिकेत एक्स-रे टेक्निशियन आहेत. दाेघेही काही दिवसांपासून रेमडेसिविर इंजेक्शनचा काळाबाजार करीत हाेते. मंगळवारी सायंकाळी सक्करदरास्थित मिरची बाजारात गरजू ग्राहकांच्या शाेधात हाेते. त्यांचे एका गरजवंताशी बाेलणेही झाल्याचे सांगण्यात येते. त्यांनी एका इंजेक्शनची किंमत २८ हजार रुपये ठरविली हाेती. याबाबत किंग काेब्रा ऑर्गनायझेशनचे प्रमुख अरविंदकुमार रतुडी यांना माहिती मिळाली. ते त्यांच्या सहकाऱ्यांसह घटनास्थळी पाेहचले व आराेपींना घेरले. त्यानंतर पाेलिसांना सूचित करण्यात आले. सक्करदराचे पाेलीस निरीक्षक सत्यवान मानेही तत्काळ टीमसह पाेहचले. पाेलिसांनी आराेपींना ताब्यात घेत त्यांच्याकडून दाेन रेमडेसिविर इंजेक्शन जप्त केले. पाेलिसांनी याबाबत एफडीएच्या अधिकाऱ्यांना माहिती दिली. पाच दिवसांत पाेलिसांनी रेमडेसिविर इंजेक्शनच्या काळाबाजाराची चार प्रकरणे उघडकीस आणली आहेत. आतापर्यंत वाॅर्डबाॅय, मेडिकल स्टाेअर्स कर्मचारी व दाेन वितरकांना अटक करण्यात आली आहे. पहिल्यांदा एक्स-रे तंत्रज्ञ सापडले आहेत. आराेपींकडून जप्त केलेली इंजेक्शन बनावट असल्याचीही शंका व्यक्त केली जात आहे. त्यामुळे रात्री उशिरापर्यंत पाेलीस आराेपींची चाैकशी करीत हाेते.
नाकाबंदीमध्ये मिळाले १२ पाॅझिटिव्ह
नागपूर : पाेलिसांच्या नाकाबंदीदरम्यान मंगळवारी रस्त्यावर करण्यात आलेल्या अँटिजन टेस्टमध्ये १२ लाेक पाॅझिटिव्ह आढळून आले. शनिवारपासून शहरात ही धडक कारवाई सुरू करण्यात आली आहे. या कारवाईत आतापर्यंत ५४ लाेक पाॅझिटिव्ह आढळून आले आहेत. मंगळवारी पाेलिसांनी विनाकारण रस्त्यावर फिरणाऱ्या २३८ लाेकांची अँटिजन टेस्ट केली. यामधून १२ लाेक संक्रमित असल्याचे आढळून आले. त्या सर्वांना तत्काळ १४ दिवसांसाठी क्वारंटाईन सेंटरमध्ये पाठविण्यात आले. याशिवाय मास्क न वापरणाऱ्या १५८ आणि शारीरिक अंतर पालनाचे उल्लंघन करणाऱ्या ४६७ लाेकांच्या विराेधात कारवाई करण्यात आली. १७६ वाहने जप्त करण्यात आली.
अल्पवयीन बाईकस्वाराचा मृत्यू
नागपूर : एका अल्पवयीन दुचाकीस्वाराचा अपघातात मृत्यू झाला. माजरी निवासी साेनू बबलू शेख (१६) असे मृतकाचे नाव आहे. मिळालेल्या माहितीनुसार मंगळवारी सकाळी दुचाकी घेऊन उप्पलवाडी परिसरातून जात हाेता. त्याची दूध वाटून येणारे दुचाकीस्वार गुंडेराव देऊडकर यांच्या वाहनाशी धडक झाली. यामध्ये साेनू गंभीर जखमी झाला. कामठी रुग्णालयात नेल्यावर त्याला मृत घाेषित करण्यात आले. कपिलनगर पाेलिसांनी अपघाताचे प्रकरण दाखल केले आहे.