उमरेड येथे रेकॉर्डब्रेक लसीकरण

उमरेड : येथे शनिवारी (दि. १८) झालेल्या लसीकरण शिबिराला नागरिकांचा उत्स्फूर्त प्रतिसाद मिळाला. एकाच दिवशी एकाच केंद्रावर रेकॉर्डब्रेक ६०० जणांच्या लसीकरणाची ही पहिलीच वेळ होती. शिवस्नेह गणेशोत्सव मंडळाच्या सहकार्यातून हा उपक्रम पार पडला. एकाच केंद्रावरील लसीकरणाची तालुक्यातील ही सर्वाधिक आकडेवारी आहे. यापूर्वी एकाच दिवशी एका केंद्रावर ४४२ जणांचे लसीकरण करण्यात आले होते. आर. के. कांबळे, मोरेश्वर गजबे, मृणाल सहारकर, शोभा जेनेकर, रोहित भुसारी, पूजा जमदाडे, सुरेखा मोवाले, दत्तू हेडावू, राजेश खांबाळकर, अंजिक्य खानोरकर, वैभव सहारे, डॉ. अनुप शेंदरे, कुंदन राऊत, दीपेश पटेल, वैभव भिसे, किरण ठाकरे, गोलू जैसवानी, सतीश तांबेकर, अर्जुन पलांदूरकर, आयुष धाबेकर, फाल्गुन ठक्कर, सुजनसिंह गौतम, आदींनी सहकार्य केले.