सावनेर : सार्वजनिक ठिकाणी हातात तलवार घेऊन दहशत पसरविण्याचा प्रयत्न करीत असलेल्या तिघांपैकी एकाला सावनेर पाेलिसांनी अटक केली. त्याच्याकडून शस्त्र जप्त करण्यात आले असून, ही कारवाई गुरुवारी मध्यरात्री करण्यात आली.
बबलू जगदीश तिवारी (२२), निजाम शेख (दाेघेही रा. पहलेवार, सावनेर) व रेहान खान (रा. सटवामाता मंदिर परिसर, सावनेर) अशी आराेपींची नावे आहेत. तिघेही गुरुवारी रात्री सावनेर शहरातील सार्वजनिक ठिकाणी राेडवर हातात तलवार घेऊन फिरत हाेते. ते जाेरजाेराने ओरडत व शिवीगाळ करीत होते. हा प्रकार नागरिकांच्या लक्षात आला. पवन राजेंद्र राऊत (२३, रा. सटवामाता मंदिर परिसर, सावनेर) याने याबाबत पाेलिसांना सूचना दिली. या तिघांनीही पवनला शिवीगाळ करीत मारण्याची धमकीही दिली. पाेलिसांनी घटनास्थळ गाठून बबलू तिवारी याला अटक केली, तर दाेघे पळून गेले. त्याच्याकडून तलवार जप्त करण्यात आली आहे. याप्रकरणी सावनेर पाेलिसांनी आर्म ॲक्ट अन्वये गुन्हा नाेंदविला. पुढील तपास पाेलीस हवालदार नारायण बाेरकर करीत आहेत. पळून गेलेल्या आराेपींना लवकरच अटक करण्यात येणार असल्याची माहिती ठाणेदार मारुती मुळूक यांनी दिली.