लाेकमत न्यूज नेटवर्क
केळवद : हाेळीच्या पार्श्वभूमीवर पाेलिसांनी माेहफुलाच्या दारूभट्टी आणि अवैध दारूविक्री अड्ड्यांवर धाडी टाकायला सुरुवात केली आहे. त्यातच केळवद (ता. सावनेर) पाेलिसांनी नांदागाेमुख शिवारातील माेहफुलाच्या दारूभट्टीवर धाड टाकली. यात एका महिलेसह अन्य तीन आराेपींविरुद्ध गुन्हा नाेंदविण्यात आला असून, एकूण २ लाख ६७ हजार रुपये किमतीचा मुद्देमाल जप्त केला. ही कारवाई बुधवारी (दि. २४) सकाळी ८ वाजताच्या सुमारास करण्यात आली.
नांदागाेमुख शिवारात (ता. सावनेर) माेहफुलाची दारूभट्टी असून, तिथे दारू काढली जात असल्याची माहिती पाेलिसांना मिळाली हाेती. त्यामुळे पाेलिसांनी बुधवारी सकाळी या शिवाराची पाहणी केली. मात्र, पाेलीस येत असल्याची कुणकुण लागल्यााने आराेपींनी भट्टीवरून लगेच पळ काढला. पाेलिसांनी धाड टाकली आणि तिथून २०० लीटर माेहफुलाची दारू, एमएच-४०/व्हीएन-४०५३ क्रमांकाची ॲक्टिव्हा, २०० लिटर माेहफुलाची दारू, माेहफुलाचा सडवा, ड्रम व इतर साहित्य जप्त करून ॲक्टिव्हा वगळता संपूर्ण साहित्य घटनास्थळीच नष्ट केले.
या कारवाईमध्ये एकूण २ लाख ६७ हजार रुपयांचा मुद्देमाल जप्त करण्यात आला आहे. शिवाय, दिलीप संताेष राजपूत, अमित चंद्रपाल राजपूत, दिनेश दिलीप राजपूत सर्व रा. तिडंगी, ता. सावनेर यांच्यासह महिलेविरुद्ध गुन्हा दाखल करण्यात आला असून, त्यांना लवकरच अटक करण्यात येणार असल्याची माहिती ठाणेदार दिलीप ठाकूर यांनी दिली. येथील दारू नागपूर शहरासह इतर गावांमध्ये विक्रीला पाठविली जात असल्याचेही त्यांनी सांगितले. याप्रकरणी केळवद पाेलिसांनी गुन्हा दाखल करून तपास सुरू केला आहे. ही कारवाई पाेलीस उपनिरीक्षक अर्जुन राठोड, रवींद्र चटप, अमरदीप कामठे, श्रीधर कुळकर्णी, अश्विनी निकोसे, गुणवंता डाखोले, देवा देवकाते यांच्या पथकाने केली.