:::::::::::::::::::::::::::::::::::::::::
कुख्यात वसीम दाेसा हद्दपार
नागपूर : माेमीनपुरा येथील कुख्यात गुंड वसीम अनवर ऊर्फ वसीम दाेसा याला दाेन वर्षासाठी हद्दपार करण्यात आले. हैदरी राेड निवासी वसीम दाेसाविरुद्ध हल्ला करणे, मारझाेड, दराेड्यासह अनेक गुन्हे दाखल आहेत. या परिसरात दहशत आहे. ही बाब लक्षात घेता झाेन तीनचे डीसीपी लाेहित मतानी यांनी आराेपीला दाेन वर्षासाठी हद्दपार करण्याचे आदेश काढले. त्याला भंडारा येथे नातेवाईकांकडे साेडण्यात आले.
:::::::::::::::::::::::::::::::::::::::::
दाम्पत्यावर फसवणुकीचा गुन्हा
नागपूर : फ्लॅटची विक्री करून फसवणूक करणाऱ्या दाम्पत्याविराेधात काेतवाली पाेलिसांनी गुन्हा दाखल केला आहे. दिलीप ढाेबळे व त्याची पत्नी गुंजन ढाेबळे अशी आराेपींची नावे असून ते बिडीपेठ येथील रहिवासी आहेत. या दाम्पत्याने अपार्टमेंटचे बांधकाम करून दक्षिणामूर्ती चाैक, महाल येथील रहिवासी लालचंद राठी यांच्याशी फ्लॅट विक्रीचा साैदा केला. राठी यांनी आराेपींना २१.२५ लाख रुपये दिले. मात्र आराेपींनी ताे फ्लॅट दुसऱ्याच व्यक्तीला विकून राठी यांची फसवणूक केली. काेतवाली पाेलिसांनी फसवणूक व गुन्हेगारी षडयंत्र रचण्याचे प्रकरण दाखल केले.
:::::::::::::::::::::::::::::::::::::::::
पेट्रोल पंपच्या गार्डवर हल्ला
नागपूर : बस चालकाने एसटी स्टॅंडच्या पेट्राेल पंपावर काम करणाऱ्या चाैकीदाराला राॅडने वार करून जखमी केले. दिलीप बावनकुळे हा एसटी स्टॅंडच्या पेट्राेल पंपावर सुरक्षा रक्षक म्हणून काम करताे. बुधवारी सकाळी बसेसची गर्दी असल्याने सर्व चालकांना रांगेत राहण्याची सूचना त्याने दिली. यादरम्यान आलेल्या अजहर निजामुद्दीन यालाही बस रांगेत लावण्याची सूचना केली. मात्र यावरून वाद झाला व चालक अजहरने राॅडने चाैकीदारावर हल्ला केला. गणेशपेठ पाेलिसांनी हल्ल्याचे प्रकरण दाखल केले.
:::::::::::::::::::::::::::::::::::::::::
चाेरट्यांनी चाेरली कार
नागपूर : कामठीमध्ये अज्ञान चाेरट्यांनी एका घरातून राेख रक्कम व सामानासह कारही चाेरून नेली. कल्पतरु काॅलनी निवासी अब्दुल कादिर हे ११ जुलैला बाहेर गेले हाेते. चाेरट्यांनी घराचे टाळे ताेडून घरातून १० हजार रुपये व काही सामान चाेरले. त्यांच्या घरी अपेक्षेप्रमाणे राेख न मिळाल्याने चाेरट्यांनी त्यांनी एमएच-४०, बीई-६४९४ क्रमांकाची कार नेली. न्यू कामठी पाेलिसांनी अज्ञात आराेपींविरूद्ध चाेरीचा गुन्हा दाखल केला.
:::::::::::::::::::::::::::::::::::::::::
भिंतीत दबल्याने वृद्धेचा मृत्यू
नागपूर : अजनी पाेलीस स्टेशन अंतर्गत रामटेकेनगर येथील एका वृद्ध महिलेचा भिंतीखाली दबल्याने मृत्यू झाला. मृत महिलेचे नाव अंजिरा किसन शेंडे (९१) असे आहे. मंगळवारी शेजारी राहणाऱ्या प्रभा बांगरेग यांच्या घराची भिंत टीनाच्या शेडवर पडली. यामध्ये दबून अंजिरा या गंभीर जखमी झाल्या. त्यांना मेडिकलमध्ये भरती करण्यात आले. डाॅक्टरांनी त्यांना मृत घाेषित केले.