माैदा : भरधाव अज्ञात वाहनाने राेड ओलांडणाऱ्याला जाेरात धडक दिली. त्यात गंभीर दुखापत झाल्याने त्या व्यक्तीचा घटनास्थळीच मृत्यू झाला. ही घटना माैदा पाेलीस ठाण्याच्या हद्दीतील नागपूर-भंडारा मार्गावरवरील गुमथळा येथे नुकतीच घडली.
महेश परसराम आदिवासी (३०, रा. दिघाेली, जिल्हा छतरपूर, मध्य प्रदेश) असे मृताचे नाव आहे. महेश हा गुमथळा (ता. कामठी) शिवारातील खासगी कंपनीमध्ये कामगार म्हणून काम करायचा. ताे पायी राेड ओलांडत असताना वेगात आलेल्या अज्ञात वाहनाने त्याला जाेरात धडक दिली आणि ते वाहन निघून गेले. यात गंभीर दुखापत झाल्याने त्याचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी नागपूर येथील शासकीय रुग्णालयात पाठविला. याप्रकरणी माैदा पाेलिसांनी अज्ञात वाहन चालकाविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा तपास पाेलीस उपनिरीक्षक आगासे करीत आहेत.