लोकमत न्यूज नेटवर्क
नागपूर : भंडारा रोडवरील कापसी खुर्द परिसरातील तीन आरामशीनला सोमवारी रात्री ११.३० वाजताच्या सुमारास लागलेल्या आगीत लाखो रुपयाचे नुकसान झाले.
प्लॉट क्रमांक ६१ येथील मे. पोपटलाल पटेल, मे. प्रदीप पटेल व जलाराम इंडस्ट्रीज परिसरात ही आग लागली. माहिती मिळताच मनपा अग्निशमन विभागाच्या लकडगंज, कळमना, गंजीपेठ, सक्करदरा, कॉटन मार्केट, सिव्हिल लार्ईन व त्रिमूर्तिनगर फायर सब-स्टेशनच्या आठ गाड्या घटनास्थळी पोहचल्या. अग्निशमन अधिकारी मोहन गुडधे व तुषार बाराहाते यांच्या नेतृत्वात जवानांनी दोन तास प्रयत्न करून आग आटोक्यात आणली.
अधिकाऱ्यांनी दिलेल्या माहितीनुसार, पोपटलाल पटेल, मे. प्रदीप पटेल व जलाराम इंडस्ट्रीज यांच्या आरामशीन येथील लाकूड, मोटर, वायरिंग व मशीनचे आगीमुळे लाखोचे नुकसान झाले आहे.