लाेकमत न्यूज नेटवर्क
रामटेक : नागरिकांचा बेजबाबदारपणा व काेराेना संक्रमण वाढत असतानाच काेराेना प्रतिबंधात्मक उपाययाेजनांचे सर्वांनी काटेकाेर पालन करण्यासाठी महसूल व पाेलीस प्रशासनाने रामटेक शहरात दंडात्मक कारवाईची माेहीम सुरू केली आहे. या माेहिमेंतर्गत रामटेक शहरातील मंगल कार्यालय व हाॅटेल मालकांवर एकूण ९,५०० रुपयाचा दंड ठाेठावण्यात आला असून, वसूल केल्याची माहिती तहसीलदार बाळासाहेब मस्के व ठाणेदार प्रमाेद मकेश्वर यांनी संयुक्तरीत्या दिली.
महसूल, पाेलीस व स्थानिक नगर परिषद प्रशासनाने काेराेना साखळी ताेडण्यासाठी तसेच संक्रमण नियंत्रणात आणण्यासाठी पुन्हा जनजागृती करायला सुरुवात केली आहे. प्रतिबंधक उपाययाेजनांचे उल्लंघन करणाऱ्यांवर लक्ष ठेवण्यासाठी तसेच दंडात्मक कारवाई करण्यासाठी रामटेक तालुक्यात चार स्वतंत्र पथकाची निर्मिती करण्यात आली आहे. ही पथके रामटेक शहरासह तालुक्यातील संपूर्ण मंगल कार्यालये, हाॅटेल, रिसाेर्ट, बाजारपेठ तसेच इतर सार्वजनिक व व्यापारी ठिकाणांची प्रत्यक्ष पाहणी करून नागरिकांवर नियंत्रण ठेवणार असल्याचे तहसीलदार बाळासाहेब मस्के यांनी सांगितले.
प्रतिबंधात्मक उपाययाेजनांचे उल्लंघन करणाऱ्या मंगल कार्यालय मालकावर ७,५०० रुपये तर दाेन हाॅटेल मालकांवर प्रत्येकी एक हजार रुपयाप्रमाणे दाेन हजार रुपयाचा दंड ठाेठावला असून, दंडाच्या रकमेची लगेच वसुली करण्यात आल्याचेही त्यांनी सांगितले. दुसरीकडे, लग्नसमारंभाला केवळ ५० व्यक्तींची परवानगी दिली आहे. त्यामुळे यापेक्षा अधिक व्यक्तींनी लग्नसमारंभात सहभागी हाेऊ नये. प्रत्येकाने घराबाहेर पडताना मास्कचा वापर करावा. फिजिकल डिस्टन्सिंगचे पालन करावे. गर्दीत जाणे अथवा गर्दी करणे टाळावे. हात वारंवार साबणाने धुवावे किंवा सॅनिटाईझ करावे, असे आवाहन तहसीलदार बाळासाहेब मस्के व ठाणेदार प्रमाेद मकेश्वर यांनी केले आहे. या नियमाचे उल्लंघन केल्यास दंडात्मक कारवाई केली जाणार असल्याचे त्यांनी स्पष्ट केले.
....
दुकानदारांची काेराेना टेस्ट
काेराेनावर मात करण्यासाठी युद्धपातळीवर विविध उपाययाेजना करण्यात येणार असल्याचे तहसीलदार बाळासाहेब मस्के यांनी सांगितले. यात सर्व किराणा दुकानदार व हाॅटेल मालक, त्यांच्याकडील कर्मचारी व नाेकर, भाजीपाला व दूध विक्रेते, खासगी दवाखान्यांमधील कर्मचारी, औषधी दुकानदार व त्यांच्याकडील कर्मचारी किंवा नाेंद या सर्वांसह इतरांची काेराेना टेस्ट अनिवार्य करण्यात आली असून, ही प्रक्रिया सुरू झाली आहे.