दोन तासांनंतर अतिरिक्त शुल्क : निविदेतील रकमेत मोठा फरक
लोकमत न्यूज नेटवर्क
नागपूर : महापालिकेच्या बाजार विभागाने पार्किंग शुल्कात प्रचलित दराच्या तुलनेत दुपटीने वाढ करण्याचा निर्णय घेतला आहे. मात्र, तीन व पाचचाकी वाहनांच्या शुल्कात कोणतीही वाढ करण्यात आलेली नाही.
मनपाच्या वर्ष २०१६च्या पार्किंग धोरणानुसार शुल्क आकारणीत सुधारणा केली आहे. दोन तास वाहन पार्किंग केल्यास प्रचलित शुल्क आकारले जाईल. त्यानंतर, ८ तासांसाठी शुल्कवाढ केली आहे. पार्किंग निविदेला स्थायी समितीने मंजुरी दिली आहे. लवकरच कंत्राट दिला जाणार आहे.
धरमपेठ झोनअंतर्गत सीताबर्डी येथील सुपर मार्केट, नेताजी मार्केट, हनुमाननगर झोन क्षेत्रातील सोमवारी पेठ बुधवार आठवडी बाजार, गांधीबाग झोनमधील महाल, बडकस चौक पार्किंग प्लाझाच्या शुल्क आकारणीत सुधारणा केली आहे. वर्ष २०२१-२२ साठी नवीन शुल्क लागू होतील, परंतु तासाच्या आधारावर शुल्कवाढ केली आहे. मात्र, निविदा रक्कम कमी करण्यात आली आहे.
सूपर मार्केटसाठी गेल्या वर्षी १०.५६ लाख रुपये निविदा रक्कम निर्धारित केली होती. पार्किंग धोरणांतर्गत या वर्षी निविदा रक्कम ६.७१ लाख रुपये निर्धारित केली आहे. नेताजी मार्केटची निविदा रक्कम ३.३२ लाखांवरून ५.७७ लाख रुपये करण्यात आली आहे. बुधवार बाजाराची निविदा रक्कम ११.३६ लाख होती. ती ६.१६ लाख रुपये करण्यात आली. महाल पार्किंग प्लाझाची निविदा रक्कम ६.२८ लाख रुपये होती. ती ९.४९ लाख रुपये करण्यात आली आहे.
...
तीन व पाचचाकी वाहन शुल्कात घट
पार्किंग धोरणांतर्गत तीन, पाचचाकी व व्यावसायिक वाहनांच्या पार्किंग शुल्कात कपात केली आहे. आधी २० रुपये शुल्क होते. आता दोन तासांसाठी ५ रुपये तर ८ तासांसाठी १० रुपये शुल्क आकारले जाईल.
...
वाहनजुने शुल्कनवीन शुल्क आकारणी
सायकल, हाथठेला २ रुपयेदोन तासांसाठी २ रुपये, तर ८ तासांसाठी ५ रुपये
दुचाकी ५ रुपये दोन तासांसाठी, ८ तासांसाठी १० रुपये
चारचाकी १० रुपये दोन तासांसाठी १० रुपये, ८ तासांसाठी २० रुपये
तीन व पाचचाकी १० रुपयेदोन तासांसाठी ५ रुपये, ८ तासांसाठी १० रुपये
......................