सावनेर : भारतीय काेळसा खदान मजदूर संघाच्यावतीने (बीएमएस) छत्रपती शिवाजी महाराज यांच्या जयंतीनिमित्त कार्यक्रमाचे आयाेजन करण्यात आले हाेते. यावेळी शिवरायांच्या प्रतिमेचे पूजन करून त्यांना अभिवादन करण्यात आले.
कार्यक्रमाच्या अध्यक्षस्थानी मातृशक्ती कल्याण केंद्र अनाथालयाच्या पदाधिकारी विजया जोशी हाेत्या. प्रमुख अतिथी म्हणून बीएमएस वेकोलि प्रभारी शिवदयाल बिसंदरे, वेकोलि समिती सदस्य सुनील मिश्रा, संघटनेचे महामंत्री आशिष मूर्ती उपस्थित हाेते. संघटनेच्या गीताने कार्यक्रमाला सुरुवात करण्यात आली. यावेळी सामाजिक क्षेत्रात उल्लेखनीय कार्य करणाऱ्या विजया जाेशी यांचा गाैरव करण्यात आला. लाेकवर्गणीतून जमा केलेला निधी त्यांच्या सुपूर्द करण्यात आला. अतिथींनी शिवरायांच्या जीवनकार्यावर भाषणांमधून प्रकाश टाकला. प्रसन्न बरलिंगे यांनी उपस्थितांचे आभार मानले. कार्यक्रमाला वेकाेलि अधिकारी, कर्मचारी, कामगार मसेच मजदूर संघाचे पदाधिकारी व सदस्य उपस्थित हाेते.