खुनातील फरार आराेपी अटकेत

लाेकमत न्यूज नेटवर्क

कामठी : खून केल्यानंतर पसार झालेल्या आराेपीला अटक करण्यात कामठी (नवीन) पाेलिसांना तीन वर्षांनंतर यश आले. त्याला नागपूर शहरातील माेठा ताजबाग परिसरातून गुरुवारी (दि. २७) सायंकाळी सात वाजण्याच्या सुमारास अटक करण्यात आल्याची माहिती ठाणेदार विजय मालचे यांनी दिली.

शेख खुर्शिद शेख हुसेन (वय ५०, रा. रामगड, कामठी) असे अटकेतील आरोपीचे नाव आहे. कामठी (नवीन) पाेलीस ठाण्याच्या हद्दीतील रामगड भागात २०१८ साली इक्बाल जमील शेख याचा खून करण्यात आला. या खुनात शेख खुर्शिद शेख हुसेन याचा सहभाग हाेता. खून केल्यानंतर ताे कामठी शहरातून पळून गेला हाेता. तेव्हापासून आजवर कामठी (नवीन) पाेलीस त्याच्या मागावर हाेते. मात्र, ताे पाेलिसांना सतत हुलकावणी देत हाेता.

ताे गुरुवारी रात्री नागपूर शहरातील माेठा ताजबाग परिसरात नाव बदलून वावरत असल्याची माहिती कामठी (नवीन) पाेलिसांना मिळाली हाेती. त्यामुळे पाेलिसांच्या विशेष पथकाने त्या भागात सापळा रचला व त्याला शिताफीने ताब्यात घेत अटक केली. या प्रकरणी कामठी (नवीन) पाेलिसांनी त्याच्याविराेधात भादंवि ३०२, १२० (ब), ३२४, ३०७, ४२७, १४४, १४७, १४९ अन्वये गुन्हा नाेंदविला आहे. ही कारवाई सहायक पोलीस निरीक्षक सुरेश कन्नाके, संदीप सगने, राजेंद्र टाकळीकर, सुरेंद्र शेंडे, कमल कनोजिया यांच्या पथकाने केली.

===Photopath===

280521\img-20210527-wa0194.jpg

===Caption===

खुणातील फरार आरोपीस अटकेची कामगिरी बजावणारे नवीन कामठी पोलीस ठाण्यातील पोलीस पथक