दत्तक विद्यार्थ्यांना आर्थिक मदत

स्थानिक भिवापूर महाविद्यालयातील माजी विद्यार्थी संघटनेने दत्तक घेतलेल्या महविद्यालयीन विद्यार्थ्यांना संघटनेच्यावतीने आर्थिक मदतीचे वितरण करण्यात आले.

भिवापूर : स्थानिक भिवापूर महाविद्यालयातील माजी विद्यार्थी संघटनेने दत्तक घेतलेल्या महविद्यालयीन विद्यार्थ्यांना संघटनेच्यावतीने आर्थिक मदतीचे वितरण करण्यात आले. याप्रसंगी माजी विद्यार्थ्यांच्यावतीने महाविद्यालयातील वाचनालयाला पुस्तके भेट देण्यात आली. सदर माजी विद्यार्थी संघटनेच्यावतीने दरवर्षी या महाविद्यालयातील गरीब विद्यार्थ्यांना दत्तक घेऊन त्यांच्या शिक्षणाचा खर्च उचलला जातो, शिवाय विविध उपक्रम राबविले जातात. या कार्यक्रमाच्या अध्यक्षस्थानी प्राचार्य डॉ. जोबी जॉर्ज होते. प्रमुख पाहुणे म्हणून संघटनेचे अध्यक्ष शंकर डडमल, सचिव डॉ. विजय दिघोरे, विवेक हेडाऊ, अभय चौहान आदी उपस्थित होते. यावेळी तानाजी ठवरे, अर्चना कामडी, मोनाली शंभरकर, करिष्मा गेडाम, शिल्पा नान्हे, विशाल मोहोड या विद्यार्थ्यांना आर्थिक मदतीचे वितरण करण्यात आले. कार्यक्रमाचे संचालन डॉ. मधुकर नंदनवार यांनी केले तर, प्रा. वासेकर यांनी आभार मानले. कार्यक्रमाला प्रमोद भैसारे, विजय लांजेवार, प्रा. बनकर, रमेश देवाळकर, राणी मेश्राम, मंगला पांडे आदी माजी विद्यार्थ्यांसह महाविद्यालयातील विद्यार्थी उपस्थित होते. (तालुका प्रतिनिधी)