नागपूर : यास या चक्रीवादळाचा इशारा देण्यात आल्यामुळे दक्षिण पूर्व मध्य रेल्वेने नागपूर मार्गे धावणाऱ्या ६ रेल्वेगाड्या रद्द करण्याचा निर्णय घेतला आहे.
ओडिशा आणि बंगालच्या खाडीत यास या चक्रीवादळाचा इशारा देण्यात आल्यामुळे आपत्ती व्यवस्थापन आणि सुरक्षेच्या दृष्टिकोनातून दक्षिण पूर्व मध्य रेल्वेतून जाणाऱ्या ६ रेल्वेगाड्या रद्द करण्यात आल्या आहेत. दरम्यान, रद्द केलेल्या रेल्वेगाड्यात २४ मे रोजी रेल्वेगाडी क्रमांक ०२२२१ पुणे-हावडा विशेष रेल्वेगाडी, २७ मे रोजी रेल्वेगाडी क्रमांक ०२२२२ हावडा-पुणे विशेष रेल्वेगाडी, २४ मे रोजी रेल्वेगाडी क्रमांक ०२८१८ पुणे-सांतरागाछी विशेष रेल्वेगाडी, २९ मे रोजी रेल्वेगाडी क्रमांक ०२८१७ सांतरागाछी-पुणे विशेष रेल्वेगाडी, २४ मे रोजी रेल्वेगाडी क्रमांक ०२७६७ नांदेड-सांतरागाछी आणि २६ मे रोजी ०२७६८ सांतरागाछी-नांदेड या गाड्या रद्द करण्यात आल्या आहेत. ऐनवेळी या गाड्या रद्द केल्यामुळे प्रवाशांची गैरसोय होणार असून या बदलाची प्रवाशांनी नोंद घेण्याचे आवाहन दक्षिण पूर्व मध्य रेल्वेने केले आहे.
..............