लाेकमत न्यूज नेटवर्क
सावनेर : काेराेनाचा वाढता प्रादुर्भाव लक्षात घेता ‘सुपर स्प्रेडर’ दुकानदार, विक्रेते तसेच नागरिकांच्या सतत संपर्कात येणाऱ्या व्यक्तींची काेराेना चाचणी केली जाणार आहे. काेराेनासंदर्भात शासनाच्या नियमाचे उल्लंघन करणाऱ्यांवर दंडात्मक कारवाई केली जाईल. शहरात पुन्हा काेराेनाचे रुग्ण वाढत असल्याने नागरिकांनी सतर्कता बाळगावी, असे आवाहन प्रभारी तहसीलदार चैताली दराडे यांनी केले.
काेराेना वाढत असल्याचे निदर्शनास आल्याने जिल्हाधिकाऱ्यांनी सक्तीचे निर्देश जारी केले आहे. त्यानुसार तहसील प्रशासनातर्फे शहरातील विविध व्यावसायिक, दुकानदार, विक्रेते तसेच अधिकाऱ्यांची बैठक घेऊन दराडे यांनी नागरिकांनी प्रतिबंधात्मक उपाययाेजनांचे पालन करण्याचे आवाहन केले. लाॅन, मंगल कार्यालये यांनी नियमानुसार लग्न व इतर कार्यक्रम करण्याचे निर्देश त्यांनी यावेळी दिले. नियमबाह्य कार्यक्रम आढळून आल्यास संबंधितांवर कडक कारवाई करून पुढील सात दिवस हाॅल बंद करण्यात येईल. तसेच काेराेना प्रतिबंधात्मक उपाययाेजनांचे उल्लंघन करताना आढळणाऱ्या नागरिकांवर कडक कारवाई करण्यात येईल. संबंधित व्यक्तीवर दंडात्मक कारवाईसंदर्भात पूर्वसूचना देण्यात येणार असल्याचेही तहसीलदार दराडे यांनी स्पष्ट केले.