माैदा : स्थानिक गुन्हे शाखेच्या पथकाने माैदा पाेलीस ठाण्याच्या हद्दीतील तारसा येथे कारवाई करीत गांजा विक्रेत्यास अटक केली आणि त्याच्याकडून ५,२१० रुपयांचा ६८३ ग्रॅम गांजा जप्त केला. ही कारवाई शुक्रवारी (दि. ४) करण्यात आली.
मदन दाैलत हटवार (४८, रा. आझाद चाैक, तारसा, ता. माैदा) असे अटक करण्यात आलेल्या आराेपीचे नाव आहे. स्थानिक गुन्हे शाखेचे पथक शुक्रवारी माैदा परिसरात गस्तीवर हाेते. त्यांना तारसा येथे गांजा विक्री केली जात असल्याची माहिती मिळाली हाेती. त्यामुळे त्यांनी शिताफीने मदन हटवार याच्या धरी धाड टाकून झडती घेतली. यात त्यांना ६८३ ग्रॅम गांजा आढळून आल्याने त्यांनी गांजा जप्त करीत मदन हटवारला अटक केली. जप्त केलेल्या गांजाची किंमत ५,२१० रुपये असल्याची माहिती स्थानिक गुन्हे शाखेचे पाेलीस निरीक्षक अनिल जिट्टावर यांनी दिली. याप्रकरणी माैदा पाेलिसांनी अमली औषधी द्रव्ये व मनप्रभावी पदार्थ अधिनियम १९८५ कलम २० अन्वये गुन्हा दाखल करून तपास सुरू केला. ही कारवाई स्थानिक गुन्हे शाखेचे पाेलीस उपनिरीक्षक सचिन मत्ते, सहायक फाैजदार लक्ष्मीप्रसाद दुबे यांच्या नेतृत्वातील पथकाने केली.