महागाई विरोधात बसपा आक्रमक ()

बसपाचे प्रदेश महासचिव नागोराव जयकर, जिल्हाध्यक्ष संदीप मेश्राम, शहराध्यक्ष राजीव भांगे, सचिव उत्तम शेवडे, मनपा पक्षनेता जितेंद्र घोडेस्वार आदींनी या आंदोलनात भाग घेतला. भर पावसात बसपाच्या कार्यकर्त्यांनी सरकार विरोधात घोषणाबाजी केली. आपल्या मागण्यांच्या संदर्भात जिल्हाधिकाऱ्यांना निवेदन देण्यात आले. निवेदनात पेट्रोल-डिझेल व घरगुती गॅसच्या वाढत्या किमती कमी करुन त्याला आळा घालणे, सर्वसामान्यांचे थकीत वीजबिल माफ करणे, शेतकऱ्यांच्या मालाला उत्पादन खर्चानुसार भाव द्यावा, या सत्रातील शिक्षण शुल्क, परीक्षा शुल्क माफ करावे, आदी मागण्या करण्यात आल्या. आंदोलनात विजय डहात, नितीन शिंगोळे, वंदना चांदेकर, नरेंद्र वालदे, प्रवीण पाटील, अभय डोंगरे, जितेंद्र मेश्राम, सागर लोखंडे, नितीन वंजारी, महिपाल सांगोळे, सदानंद जामगडे, शिवपाल नितनवरे, मनोज निकाळजे, शशिकांत मेश्राम, प्रफुल भांगे आदी कार्यकर्ते पदाधिकारी सहभागी झाले होते.