आॅनलाईन लोकमतगोंदिया : भरधाव वेगात असलेल्या दोन दुचाकी समोरासमोर धडकून झालेल्या अपघातात दोघे दुचाकीचालक जागीच ठार झाले. रविवारी (दि.११) दुपारी १२३० वाजतादरम्यान कवडी-वडद गावांच्या दरम्यान ही घटना घडली. मृतांचे नाव धनराज जयराम मेश्राम (३२,हेटीटोला) व बुधराम उरकूडा मेश्राम (३५,रा.पिपरटोला,आमगाव) असे आहे. सविस्तर असे की, बुधराम दुचाकी क्रमांक एमएच ३५/एल ५६ ने कवडीहून साखरीटोला जात होते. तर धनराज हे दुचाकी क्रमांक एमएच ३४/ जे २८६७ ने वडद येथून सासरवाडीला जात होते. मात्र कवडी-वडद या गावांच्या मधे दुचाकींची धडक झाली. या अपघातात दोघांच्या डोक्याला व तोडावर जबर मार लागून त्यांच्या जागीच मृत्यू झाला. माहिती मिळताच सालेकसाचे ठाणेदार मोहन खांदारे यांनी घटनास्थळाला भेट देऊन कारवाई केली.
दुचाकींच्या धडकेत दोघे ठार
By admin | Updated: June 11, 2017 18:26 IST