कुही : अज्ञात वाहनाच्या धडकेत मृत पावलेल्या एका अनाेळखी व्यक्तीचा मृतदेह आढळला. ही घटना कुही पाेलीस ठाण्याच्या हद्दीतील उटी-चांपा शिवारात ५ मे राेजी रात्री ११.३० वाजताच्या सुमारास उघडकीस आली.
कुही ठाण्याचे पाेलीस उपनिरीक्षक भारत थिटे गस्तीवर असताना उटी ते चांपा शिवारात अनाेळखी व्यक्तीचा मृतदेह आढळून आला. अज्ञात वाहनाच्या धडकेत त्याचा मृत्यू झाला असावा, असे प्रथमदर्शनी आढळून आले. मृत व्यक्ती अंदाजे ४५ वर्षे वयाेगटातील असून, केस विस्कटलेले, दाढी वाढलेली व अंगात सदरा परिधान केला आहे. या वर्णनातील व्यक्तीबाबत माहिती असल्यास कुही पाेलीस ठाण्यात संपर्क साधावा. याप्रकरणी कुही पाेलिसांनी भादंवि कलम २७९, ३०४ अन्वये गुन्हा नाेंदविला असून, तपास सुरू केला आहे. दरम्यान, पाेलीस निरीक्षक चंद्रकांत मदने, उपनिरीक्षक भारत थिटे यांच्या मार्गदर्शनात पाेलिसांनी मृत व्यक्तीवर अंत्यसंस्कार केले.